Updated : 14 Sep 2021 09:42 IST

Ganguly on Fifth Test: అది అయిదో టెస్టుగానే ఉండాలి: గంగూలీ

దిల్లీ: కరోనా భయాల వల్ల భారత్‌, ఇంగ్లాండ్‌ మధ్య అర్ధంతరంగా ఆగిపోయిన అయిదో టెస్టును తిరిగి ఎప్పుడు నిర్వహించినా.. అది ఈ సిరీస్‌లో భాగంగానే ఉండాలన్నది తమ అభిమతమని బీసీసీఐ అధ్యక్షుడు సౌరభ్‌ గంగూలీ స్పష్టం చేశాడు. అయిదు టెస్టుల సిరీస్‌లో భాగంగా చివరిదైన ఈ మ్యాచ్‌ ఈ నెల 10న మాంచెస్టర్‌లో ఆరంభం కావాల్సింది. అయితే భారత సహాయ బృందంలో నలుగురు కరోనా బారిన పడటంతో మైదానంలోకి దిగేందుకు కోహ్లీసేన నిరాకరించింది. దీంతో మ్యాచ్‌ రద్దు చేశారు. ఈ మ్యాచ్‌ను రీషెడ్యూల్‌ చేయాలని చూస్తున్న నేపథ్యంలో గంగూలీ స్పందిస్తూ.. ‘‘ప్రస్తుత సిరీస్‌ పూర్తిగా   జరగాలి. ఇందులో విజయం సాధిస్తే.. 2007 తర్వాత తొలి సిరీస్‌ గెలుపవుతుంది. ప్రస్తుతం ఆగిపోయిన టెస్టు మ్యాచ్‌ ఎప్పుడు జరిగినా.. అది ఈ సిరీస్‌లో అయిదో టెస్టుగానే ఉండాలన్నది మా అభిమతం’’ అని గంగూలీ అన్నాడు.

Read latest Sports News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని