Published : 30 Nov 2020 22:23 IST

సచిన్ దాతృత్వం: చికిత్సకు ఆర్థిక సాయం

ఇంటర్నెట్‌డెస్క్‌: క్రికెట్ దిగ్గజం సచిన్ తెందుల్కర్ తన దాతృత్వాన్ని మరోసారి చాటుకున్నాడు. ఆరు రాష్ట్రాల్లో తీవ్ర అనారోగ్యంతో బాధపడుతున్న 100 మంది పేద పిల్లల చికిత్సకు అవసరమైన ఆర్థిక సహకారాన్ని అందించాడు. మహారాష్ట్ర, పశ్చిమ బెంగాల్‌, అసోం, కర్ణాటక, తమిళనాడు, ఆంధ్రపదేశ్‌ రాష్ట్రాల్లో ఉన్న చిన్నారులకు ‘ఎకాం’ ఫౌండేషన్‌తో కలిసి సాయం చేశాడు.

‘‘ఫౌండేషన్‌లో సచిన్‌తో కలిసి పనిచేస్తుండటం ఎంతో సంతోషంగా ఉంది. ఆరోగ్య రంగంలో సచిన్ గొప్పగా పనిచేస్తున్నారు. పేదపిల్లలకు మరిన్ని వైద్యారోగ్య సదుపాయాలు అందించడానికి ప్రయత్నిస్తాం’’ అని ఎకాం ఫౌండేషన్‌ మేనేజింగ్‌ పార్టనర్‌ అమీతా ఛటర్జీ తెలిపారు. ప్రతి ఏడాది ఇలానే రెండు వేల మందికి పైగా సహాయం అందించాలని భావిస్తున్నారు. కాగా, యునెసెఫ్‌కు సౌహార్ద రాయబారిగా ఉన్న తెందుల్కర్ ఇటీవల అసోంలోని కరీంగంజ్‌ జిల్లాలో ఉన్న మకుంద ఆసుపత్రికి వైద్య పరికరాలను‌ దానం చేసిన విషయం తెలిసిందే.

Read latest Sports News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని