neeraj chopra: నీరజ్‌ చోప్రా గర్భా డ్యాన్స్‌ చూశారా?

వడోదరా: సినీ తారలకు ఏమాత్రం తీసిపోకుండా స్టెప్పులేస్తూ ఇటీవల క్రికెటర్లు చేసిన సందడి సామాజిక మాధ్యమాల్లో వైరల్‌గా మారిన విషయం తెలిసిందే. అల్లు అర్జున్‌ ‘పుష్ప’ సినిమాలోని ‘ఊ అంటావా..’ పాటకు డ్యాన్స్‌ చేసిన టీమ్‌ఇండియా స్టార్‌ బ్యాటర్‌ విరాట్‌ కోహ్లీ అభిమానులను హుషారెత్తించాడు. తాజాగా ఈ జాబితాలో ఒలింపిక్‌ ఛాంపియన్‌ నీరజ్‌ చోప్రా చేరాడు. 

దసరా శరన్నవరాత్రుల సందర్భంగా గుజరాత్‌లోని వడోదరాలో నిర్వహించిన గర్భా వేడుకల్లో నీరజ్‌ పాల్గొన్నాడు. ఈ సందర్భంగా అభిమానులతో కలిసి డ్యాన్స్‌ చేశాడు. ఈ ఆటగాడిని చూసేందుకు భారీగా అభిమానులు తరలివచ్చారు. ఈ సందర్భంగా వారు నీరజ్‌ విజయాలను గుర్తు చేస్తూ ‘భారత్‌.. భారత్‌’ అంటూ నినాదాలు చేసి ఉత్సాహపరిచారు. నెట్టింట ఈ వీడియో వైరల్‌గా మారింది.  ఈ యువ ఆటగాడు టోక్యో ఒలింపిక్స్‌లో భారత్‌కు స్వర్ణం సాధించిపెట్టిన విషయం తెలిసిందే.