IND vs SA: తిరువనంతపురంలో టీమ్‌ఇండియాపై పూల వర్షం

ఇంటర్నెట్‌ డెస్క్: దక్షిణాఫ్రికాతో టీ20 సిరీస్‌కు సమయం ఆసన్నమైంది. కేరళ తిరువనంతపురంలోని గ్రీన్‌ఫీల్డ్‌ అంతర్జాతీయ మైదానం వేదికగా భారత్‌, సౌతాఫ్రికా జట్లు బుధవారం మొదటి మ్యాచ్‌ను ఆడనున్నాయి. దీంతో భారత జట్టు సోమవారం తిరువనంతపురానికి చేరుకోగా అక్కడ వారికి ఘన స్వాగతం లభించింది. అభిమానుల హోరు మధ్య వారు హోటల్‌కు చేరుకున్నారు. కాగా జట్టు సభ్యులపై హోటల్‌ సిబ్బంది పూల వర్షం కురిపిస్తూ వారికి స్వాగతం పలకడం విశేషం. ఇందుకు సంబంధించిన వీడియోను బీసీసీఐ ట్విటర్‌లో పంచుకుంది. ఇదిలా ఉంటే.. సఫారీ జట్టు ఆదివారమే అక్కడకు చేరుకుని ప్రాక్టీస్‌ ప్రారంభించింది. రోహిత్‌ సేన మంగళవారం నుంచి కసరత్తులు మొదలుపెట్టనుంది. ఈ రెండు జట్ల మధ్య రెండో మ్యాచ్‌ అక్టోబర్‌ 2న గువాహటిలో, మూడో మ్యాచ్‌ అక్టోబర్‌ 4న ఇండోర్‌లో జరగనుంది.