ముంబయి: ఈ ఏడాది ఐపీఎల్‌ సీజన్‌ వేలానికి ముందు దిగ్గజ క్రికెటర్‌ సచిన్‌ తనయుడు అర్జున్‌ తెందూల్కర్‌కు ఎదురుదెబ్బ తగిలింది. ఈ నెల 18న జరగనున్న ఐపీఎల్‌ వేలంలో పేరు నమోదు చేసుకున్న అతను.. విజయ్‌ హజారె వన్డే ట్రోఫీలో పాల్గొనే ముంబయి సీనియర్‌ జట్టులో చోటు దక్కించుకోలేకపోయాడు. ఈ నెల 20న ఆరంభమయ్యే ఈ టోర్నీ కోసం ముంబయి క్రికెట్‌ సంఘం బుధవారం 22 మంది ఆటగాళ్లతో జట్టును ప్రకటించింది. శ్రేయస్‌ అయ్యర్‌ కెప్టెన్‌గా వ్యవహరించనున్నాడు. సయ్యద్‌ ముస్తాక్‌ అలీ టీ20 ట్రోఫీ కోసం తొలిసారి ముంబయి సీనియర్‌ జట్టుకు ఎంపికైన అర్జున్‌.. ఆ టోర్నీలో రాణించలేకపోయాడు. ఆడే అవకాశం వచ్చిన ఒక్క మ్యాచ్‌లోనూ రెండు ఓవర్లు వేసిన అతను 21 పరుగులు ఇచ్చి ఓ వికెట్‌ పడగొట్టాడు. అంతకుముందు ప్రాక్టీస్‌ మ్యాచ్‌ల్లోనూ మెప్పించలేకపోయాడు. దీంతో విజయ్‌ హజారె ట్రోఫీ జట్టు నుంచి అతణ్ని తప్పించారు. 

ఇవీ చదవండి..

టాస్‌ ఓడితే ఇంగ్లాండ్‌ పని అంతే..!

‘ఇదిగో.. ఈ యెటకారాలే వద్దనేది వాన్‌’