Virat Kohli : విరాట్‌ కోహ్లీ సెంచరీ సంబరాలు..

ఇంటర్నెట్‌డెస్క్‌ :  పరుగుల వీరుడు.. రికార్డుల రారాజు కింగ్‌ కోహ్లీ(Virat Kohli).. టెస్టుల్లో తన సెంచరీ దాహాన్ని తీర్చుకున్నాడు. దాదాపు 1200 రోజుల అనంతరం సుదీర్ఘ ఫార్మాట్‌లో శతకం నమోదు చేశాడు. దీంతో ఇప్పటి వరకూ వచ్చిన విమర్శలకు ఈ ఇన్నింగ్స్‌తోనే సమాధానం చెప్పాడు. ఇక బోర్డర్‌-గావస్కర్‌ ట్రోఫీ(Border Gavaskar Trophy) నాలుగో టెస్టు(IND vs AUS)లో శతకం పూర్తి చేయగానే.. స్టేడియం అంతా ‘కోహ్లి.. కోహ్లీ’ అంటూ మారుమోగింది.

సెంచరీ పూర్తి చేయగానే కోహ్లీ బ్యాట్‌తో ప్రేక్షకులకు అభివాదం చేశాడు. ఆ తర్వాత తన లాకెట్‌ను ముద్దు పెట్టుకుని ఆకాశం వైపు చూస్తు సంబరాలు చేసుకున్నాడు. ఇక కోహ్లీకి సహచర ఆటగాళ్లతోపాటు.. ఆసీస్‌ ఆటగాళ్లూ చప్పట్లతో అభినందనలు తెలపడం విశేషం. ఈ సెలబ్రేషన్స్‌కు సంబంధించిన వీడియోను బీసీసీఐ ట్విటర్‌లో పంచుకుంది. కామెంట్రీ బాక్స్‌లో ఉన్న రవిశాస్త్రి కూడా కోహ్లీకి అభినందనలు తెలియజేశాడు. ‘అతడి వెనక 600 కేజీల గోరిల్లా ఉంది. ఈ సాయంత్రానికి అతడు మరో రెండు అంగుళాల పొడవు పెరుగుతాడు’ అంటూ ప్రశంసించాడు. 

సుదీర్ఘ ఫార్మాట్‌లో కోహ్లీ(Virat Kohli)కిది 28వ శతకం కాగా.. అన్ని ఫార్మాట్‌లలో కలిపి 75వ సెంచరీ.