Feedback | E-PAPER | Pratibha

BAN vs IND: బంగ్లాదేశ్‌కు భారీ షాక్.. టీమ్‌ఇండియాతో వన్డే సిరీస్‌కు కెప్టెన్‌ ఔట్

బంగ్లాదేశ్‌కు వరుసగా రెండో ఎదురు దెబ్బ తగిలింది. ఇప్పటికే పేసర్ టస్కిన్‌ అహ్మద్‌ దూరం కాగా.. తాజాగా ఆ జట్టు కెప్టెన్‌ తమిమ్ ఇక్బాల్‌ కూడా సిరీస్‌ నుంచి వైదొలిగినట్లు అధికారికంగా బీసీబీ ప్రకటించింది.

Published : 01 Dec 2022 23:15 IST

ఇంటర్నెట్ డెస్క్‌: మరో మూడు రోజుల్లో టీమ్‌ఇండియా, బంగ్లాదేశ్‌ జట్ల మధ్య వన్డే సిరీస్‌ ప్రారంభం కానుంది. అయితే బంగ్లాదేశ్‌కు పెద్ద ఎదురు దెబ్బ తగిలింది. ఆ జట్టు కెప్టెన్ తమిమ్‌ ఇక్బాల్‌ వన్డే సిరీస్‌ నుంచి వైదొలిగాడు. గజ్జల్లో గాయం కారణంగా తమిమ్‌ దూరమమవుతున్నాడని బంగ్లా క్రికెట్ బోర్డు (బీసీబీ) వెల్లడించింది. బుధవారం ట్రైనింగ్‌ మ్యాచ్‌ సందర్భంగా గాయమైనట్లు పేర్కొంది. ఇప్పటికే బంగ్లాదేశ్‌ పేసర్ తస్కిన్‌ అహ్మద్‌ తొలి మ్యాచ్‌కు అందుబాటులో ఉండని విషయం తెలిసిందే.

‘‘గజ్జల్లో గాయం కారణంగా తమిమ్‌ ఆడటం కష్టమే. వన్డే సిరీస్‌కు వైదొలిగినట్లే. అయితే భారత్‌తో తొలి టెస్టు నాటికి కోలుకుని బరిలోకి దిగే అవకాశం ఉంది. వన్డేలకు కెప్టెన్‌ ఎవరనేది త్వరలోనే వెల్లడిస్తాం’’ అని బీసీబీ చీఫ్‌ సెలెక్టర్‌ మిన్‌హజుల్ అబెదిన్‌ తెలిపారు. డిసెంబర్ 4న (ఆదివారం) ఢాకా వేదికగా తొలి వన్డే మ్యాచ్‌ జరగనుంది. మూడు వన్డేలు ముగిశాక భారత్‌తో బంగ్లాదేశ్‌ రెండు టెస్టులను ఆడనుంది.

► Read latest Sports News and Telugu News

► Follow us on Facebook, Twitter, Instagram & Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.