Updated : 03/12/2021 18:58 IST

BCCI: టీమ్‌ఇండియా.. దక్షిణాఫ్రికా పర్యటనపై డిసెంబరు 4న స్పష్టత.!

ఇంటర్నెట్ డెస్క్‌: టీమ్‌ఇండియా దక్షిణాఫ్రికా పర్యటనపై (డిసెంబరు 4న) శనివారం స్పష్టత రానుంది. కోల్‌కతాలో నిర్వహించనున్న బీసీసీఐ 90వ వార్షిక సర్వసభ్య సమావేశం (ఏజీఎం)లో టీమ్‌ఇండియా పర్యటనపై నిర్ణయం తీసుకోనున్నారు. దీంతో దక్షిణాఫ్రికా పర్యటనను రద్దు చేయాలా.? వాయిదా వేయాలా.? అనే విషయం తేలిపోనుంది. తొలి రెండు టెస్టులు జరగనున్న జొహన్నెస్‌బర్గ్‌లో ప్రస్తుతం ఒమిక్రాన్ తీవ్రత ఎక్కువగా ఉంది. దీంతో టీమ్‌ఇండియా పర్యటనపై సందిగ్ధం నెలకొన్న విషయం తెలిసిందే. ప్రస్తుతం న్యూజిలాండ్‌తో జరుగుతున్న టెస్టు సిరీస్ ముగిసిన వెంటనే.. టీమ్‌ఇండియా డిసెంబరు 9న దక్షిణాఫ్రికా బయలుదేరాల్సింది. ఈ పర్యటనలో భాగంగా భారత్‌, దక్షిణాఫ్రికా జట్లు మూడు టెస్టులు, మూడు వన్డేలు, నాలుగు టీ20 మ్యాచుల్లో తలపడనున్నాయి. 

త్వరలో నిర్వహించనునున్న ఇండియన్‌ ప్రీమియర్‌ లీగ్‌ (ఐపీఎల్)-2022 సీజన్‌కు సంబంధించిన మెగా వేలం తేదీని కూడా బీసీసీఐ వర్గాలు ప్రకటించనున్నాయి. ఐపీఎల్‌లో ఈ సీజన్‌ నుంచి మరో రెండు జట్లు (లఖ్‌నవూ, అహ్మదాబాద్‌) కూడా భాగం కానున్న విషయం తెలిసిందే. దీంతో మొత్తం ఐపీఎల్‌ జట్ల సంఖ్య పదికి చేరినట్లయింది. వీటితో పాటు టీమ్ఇండియా భవిష్యత్ ప్రణాళికలు, ఇటీవల ముగిసిన టీ20 ప్రపంచకప్‌లో భారత్‌ వైఫల్యం సహా పలు విషయాలపై బీసీసీఐ వర్గాలు చర్చించనున్నాయి.

Read latest Sports News and Telugu News

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని