Updated : 22 May 2022 19:24 IST

BCCI : టెస్టుల్లోకి మళ్లీ ఛెతేశ్వర్‌.. టీ20ల్లోకి వచ్చేసిన ఉమ్రాన్‌ మాలిక్

ఇంగ్లాండ్‌తో టెస్టు, దక్షిణాఫ్రికాతో టీ20 సిరీస్‌కు జట్ల ప్రకటన 

ఇంటర్నెట్‌ డెస్క్‌: గతేడాది ఇంగ్లాండ్‌తో వాయిదా పడిన ఐదో టెస్టుతోపాటు దక్షిణాఫ్రికాతో సిరీస్‌కు టీమ్ఇండియా జట్లను బీసీసీఐ ప్రకటించింది. సీనియర్లు విరాట్ కోహ్లీ, రోహిత్ శర్మ, బుమ్రాకు విశ్రాంతినిచ్చింది.  టీ20 లీగ్‌లో హైదరాబాద్‌కు ఆడిన ఉమ్రాన్‌ మాలిక్‌కు టీ20 జట్టులో అవకాశం కల్పించింది. అలానే సీనియర్‌ బ్యాటర్‌ ఛెతేశ్వర్‌ పుజారా టెస్టు జట్టులోకి అడుగుపెట్టాడు. అయితే అజింక్య రహానెకు అవకాశం దక్కలేదు.  అలానే దక్షిణాఫ్రికాతో టీ20 సిరీస్‌కు కెప్టెన్‌గా హార్దిక్‌ పాండ్యను కాకుండా కేఎల్‌ రాహుల్‌ను ఎంపిక చేసింది. గత టీ20 ప్రపంచకప్‌లో అవకాశం దక్కని కుల్చా (చాహల్, కుల్‌దీప్ యాదవ్‌) జోడీకి స్థానం కల్పించింది. వెటరన్‌ బ్యాటర్‌, టీ20 లీగ్‌లో అదరగొట్టేస్తున్న దినేశ్‌ కార్తిక్‌ మళ్లీ జట్టులోకి వచ్చాడు. దక్షిణాఫ్రికాతో స్వదేశంలో జూన్ 9 నుంచి 19వ తేదీ వరకు ఐదు టీ20లను భారత్‌ ఆడనుంది.

జట్ల వివరాలు: 

ఇంగ్లాండ్‌తో 5వ టెస్టుకు జట్టు: రోహిత్ శర్మ (కెప్టెన్‌), కేఎల్ రాహుల్ (వైస్‌ కెప్టెన్‌), శుభ్‌మన్‌ గిల్, విరాట్ కోహ్లీ, శ్రేయస్‌ అయ్యర్, హనుమ విహారి, ఛెతేశ్వర్‌ పుజారా, రిషభ్‌ పంత్ (వికెట్ కీపర్), కేఎస్‌ భరత్ (వికెట్ కీపర్), రవీంద్ర జడేజా, రవిచంద్రన్ అశ్విన్, శార్దూల్ ఠాకూర్, మహమ్మద్ షమీ, బుమ్రా, సిరాజ్, ఉమేశ్‌ యాదవ్, ప్రసిధ్‌ కృష్ణ

దక్షిణాఫ్రికాతో టీ20 సిరీస్‌: కేఎల్ రాహుల్ (కెప్టెన్‌), రుతురాజ్‌ గైక్వాడ్, ఇషాన్ కిషన్, దీపక్ హుడా, శ్రేయస్‌ అయ్యర్, రిషభ్‌ పంత్ (వికెట్ కీపర్), దినేశ్‌ కార్తిక్‌ (వికెట్ కీపర్), హార్దిక్ పాండ్య, వెంకటేశ్‌ అయ్యర్, యుజ్వేంద్ర చాహల్, కుల్‌దీప్‌ యాదవ్, అక్షర్ పటేల్, రవి బిష్ణోయ్, భువనేశ్వర్‌ కుమార్‌, హర్షల్ పటేల్, అవేశ్‌ ఖాన్‌, అర్ష్‌దీప్‌ సింగ్, ఉమ్రాన్‌ మాలిక్

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని