bhuvaneswar kumar: ట్రోలర్స్‌కు భువీ భార్య స్ట్రాంగ్‌ కౌంటర్‌

ఇంటర్నెట్‌ డెస్క్‌: ఆసీస్‌తో మూడు టీ20ల సిరీస్‌లో భాగంగా మొదటి మ్యాచ్‌లో భారత్‌ ఓడిపోవడంతో అభిమానులు తీవ్ర నిరాశకు గురయ్యారు. సీనియర్‌ బౌలర్‌ భువనేశ్వర్‌ మరోసారి 19వ ఓవర్‌లో 16 పరుగులు ఇవ్వడంతోపాటు తన పూర్తి కోటాలో భారీగా పరుగులు (0/52) సమర్పించడంతోనే టీమ్‌ఇండియా ఓడిందని నెటిజన్లు అతడిపై ట్రోలింగ్‌కు దిగారు. తాజాగా ఈ క్రికెటర్‌ భార్య నుపుర్‌ నగర్‌ దీనిపై ఘాటుగా స్పందించారు. 

‘‘ఈ మధ్య పనీపాటా లేని వారంతా ద్వేషపూరిత ప్రచారాలు చేయడమే పెద్ద పనిగా పెట్టుకున్నారు. ఇక్కడ మిమ్మల్ని పట్టించుకునేవారు, మీ వ్యాఖ్యల వల్ల ప్రభావితం అయ్యేవారు ఎవరూ లేరని గుర్తించండి. ఆ సమయాన్ని మిమ్మల్ని మీరు ఉత్తమంగా మలుచుకోవడానికి కేటాయించుకోండి’’ అంటూ తన ఇన్‌స్టాగ్రామ్‌ స్టోరీని పోస్ట్‌ చేశారు. అయితే కాసేపటికే స్టోరీని మార్చేయడం గమనార్హం.