Published : 04 Jul 2022 11:26 IST

Jasprit Bumrah: ఇంగ్లాండ్‌ గడ్డపై బుమ్రా మరో రికార్డు..

ఇంటర్నెట్‌డెస్క్‌: టెస్టు క్రికెట్‌లో ఒక ఓవర్‌లో అత్యధిక పరుగులు చేసి సరికొత్త ప్రపంచ రికార్డు సృష్టంచిన టీమిండియా తాత్కాలిక కెప్టెన్‌ బుమ్రా.. మరో ఘనత సాధించాడు. ఇంగ్లాడ్‌తో టెస్టు సిరీస్‌లో అత్యధిక వికెట్లు తీసిన భారత బౌలర్‌గా సరికొత్త రికార్డు నెలకొల్పాడు.

భారత్‌ - ఇంగ్లాండ్‌ మధ్య టెస్టు సిరీస్‌లో భాగంగా ఎడ్జ్‌బాస్టన్‌ వేదికగా ఐదో టెస్టు జరుగుతోన్న విషయం తెలిసిందే. గతేడాదే ఈ సిరీస్‌ ప్రారంభమవ్వగా.. కొవిడ్‌ కారణంగా ఐదో టెస్టు వాయిదా పడింది. తాజాగా జరుగుతోన్న ఈ టెస్టు మ్యాచ్‌లో తొలి ఇన్నింగ్స్‌లో బుమ్రా 68 పరుగులిచ్చి 3 వికెట్లు పడగొట్టాడు. దీంతో ఇప్పటివరకు ఈ సిరీస్‌లో బుమ్రా తన ఖాతాలో 21 వికెట్లు సాధించాడు.

ఈ క్రమంలోనే ఇంగ్లాండ్‌తో సిరీస్‌లో అత్యధిక వికెట్లు తీసిన భారత బౌలర్‌గా ఇప్పటివరకు భువనేశ్వర్‌ కుమార్‌ పేరిట ఉన్న రికార్డును బుమ్రా అధిగమించాడు. భువీ 2014లో ఇంగ్లాండ్‌ టెస్టు సిరీస్‌లో 19 వికెట్లు పడగొట్టాడు. కాగా.. ఐదో టెస్టులో ఇంగ్లాండ్‌ రెండో ఇన్నింగ్ ఇంకా మిగిలి ఉండటంతో బుమ్రా ఖాతాలో మరిన్ని వికెట్లు పడగొట్టే అవకాశముంది.

ఇంగ్లాండ్ టెస్టు సీరిస్‌లో అత్యధిక వికెట్లు తీసిన బౌలర్లు వీరే..

బుమ్రా :  21 వికెట్లు (2021-22)

భువనేశ్వర్‌ కుమార్‌ : 19 వికెట్లు (2014)

జహీర్‌ ఖాన్‌ : 18 వికెట్లు (2007)

ఇషాంత్‌ శర్మ : 18 వికెట్లు (2018)

సుభాష్‌ గుప్తా : 17 వికెట్లు (1959)

ఐదో టెస్టులోనే బుమ్రా ప్రపంచ రికార్డు నెలకొల్పిన సంగతి తెలిసిందే. భారత తొలి ఇన్నింగ్స్‌లో 84 ఓవర్‌లో స్టువర్ట్‌ బ్రాడ్‌కు బుమ్రా చుక్కలు చూపించాడు. ఈ ఓవర్లో ఏకంగా 35 పరుగులు రాబట్టి టెస్టు క్రికెట్‌ చరిత్రలోనే ఒక ఓవర్‌లో అత్యధిక పరుగులు చేసిన బ్యాటర్‌గా నిలిచాడు. ఇంతకముందు వెస్టిండీస్‌ దిగ్గజం బ్రియాన్‌ లారా 2003లో (దక్షిణాఫ్రికా బౌలర్‌ పీటర్సన్‌) ఓవర్లలో 28 పరుగులు చేయగా.. బుమ్రా ఆ రికార్డును బద్దలుకొట్టాడు. కాగా.. రోహిత్‌ శర్మ కొవిడ్‌ బారినపడటంతో ఈ టెస్టు మ్యాచ్‌కు బుమ్రా సారథ్యం వహిస్తోన్న సంగతి తెలిసిందే.

Read latest Sports News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని