CWG 2022: కామన్వెల్త్‌ గేమ్స్‌లో మహిళల క్రికెట్‌ జట్టు తొలి ఓటమి

బర్మింగ్‌హామ్‌: కామన్వెల్త్‌ గేమ్స్‌లో భాగంగా ఆస్ట్రేలియాతో జరిగిన తొలి టీ20లో మహిళల జట్టు ఓటమిపాలైంది. హర్మన్‌ప్రీత్‌ కౌర్‌ సేన నిర్దేశించిన 155 పరుగుల లక్ష్యాన్ని ఆస్ట్రేలియా 7 వికెట్లు కోల్పోయి ఛేదించింది. ఆ జట్టు టాప్‌ ఆర్డర్‌ విఫలమైనా మిడిల్‌ ఆర్డర్‌ బ్యాటర్లు ఆష్లీ గార్డ్నర్‌ (52 నాటౌట్‌; 35 బంతుల్లో 9x4), గ్రేస్‌ హారిస్‌ (37; 20 బంతుల్లో 5x4, 2x6) భారత బౌలర్లపై ఎదురుదాడి చేయడంతో 19 ఓవర్లలోనే విజయాన్ని సొంతం చేసుకుంది. దీంతో ఆస్ట్రేలియా 3 వికెట్ల తేడాతో విజయం సాధించింది. తొలుత బ్యాటింగ్‌ చేసిన భారత జట్టు 154/8 స్కోర్‌ సాధించింది. కెప్టెన్‌ హర్మన్‌ప్రీత్‌ కౌర్‌ (52; 34 బంతుల్లో 8x4, 1x6), షెఫాలీ వర్మ (48; 33 బంతుల్లో 9x4) రాణించినా ఫలితం లేకుండా పోయింది.