Pro Kabaddi - 2022: ప్రొ కబడ్డీ లీగ్ విజేత దబంగ్ దిల్లీ

ఇంటర్నెట్‌ డెస్క్‌: ప్రొ కబడ్డీ లీగ్‌ (పీకేఎల్‌)లో భాగంగా పట్నా పైరేట్స్‌, దబంగ్‌ దిల్లీ జట్ల మధ్య జరిగిన తుది పోరులో దిల్లీ తొలిసారి ఛాంపియన్‌గా ఆవిర్భవించింది. హోరాహోరీగా సాగిన తుదిపోరులో 37-36 తేడాతో దిల్లీ జట్టు గెలుపొందింది. దీంతో మూడు సార్లు టైటిల్‌ విజేత పట్నా పైరేట్స్ ఒక పాయింట్ తేడాతో ఓటమి పాలైంది. 

దిల్లీ జట్టులో విజయ్‌ 14, నవీన్‌ కుమార్‌ 13 పాయింట్లు సాధించగా.. సందీప్‌ నర్వాల్‌, మంజీత్ చిల్లర్ చెరో రెండు పాయింట్లు రాబట్టారు. పట్నా జట్టులో సచిన్‌ 10, గుమన్‌ సింగ్‌ 9, మహమ్మద్‌ రెజా 5, ప్రశాంత్‌ కుమార్‌ రెండు, నీరజ్ కుమార్‌, సజిన్ తలో ఒక పాయింట్ సాధించారు.