DCw vs MIw: ముంబయికి హ్యాట్రిక్ విజయం.. దిల్లీకి తొలి ఓటమి
మహిళల ప్రీమియర్ లీగ్ (WPL)లో ముంబయి ఇండియన్స్ (MIw) వరుస విజయాలతో దూసుకుపోతోంది. ఇప్పటికే గుజరాత్ జెయింట్స్ , రాయల్ ఛాలెంజర్స్ బెంగళూరుపై గెలుపొందిన హర్మన్ సేన.. ఇప్పుడు దిల్లీ క్యాపిటల్స్(DCw)ని చిత్తు చేసి హ్యాట్రిక్ విజయాన్ని నమోదు చేసింది.
ముంబయి: మహిళల ప్రీమియర్ లీగ్ (WPL)లో ముంబయి ఇండియన్స్ (MIw) వరుస విజయాలతో దూసుకుపోతోంది. ఇప్పటికే గుజరాత్ జెయింట్స్ , రాయల్ ఛాలెంజర్స్ బెంగళూరుపై గెలుపొందిన హర్మన్ సేన.. ఇప్పుడు దిల్లీ క్యాపిటల్స్(DCw)ని చిత్తు చేసి హ్యాట్రిక్ విజయాన్ని నమోదు చేసింది. తొలుత టాస్ గెలిచి బ్యాటింగ్ చేసిన దిల్లీ.. ముంబయి బౌలర్ల ధాటికి 105 పరుగులకే కుప్పకూలింది. ఈ స్వల్ప లక్ష్యాన్ని ముంబయి ఇండియన్స్ రెండు వికెట్లు కోల్పోయి ఓవర్లలో 15 ఓవర్లలో ఛేదించింది. యాస్తికా భాటియా (41; 32 బంతుల్లో 8 ఫోర్లు), హేలీ మాథ్యూస్ (32; 31 బంతుల్లో 6 ఫోర్లు) రాణించారు. నాట్ సీవర్ ( 23), హర్మన్ప్రీత్ (11) పరుగులు చేశారు. శిఖా పాండే వేసిన నాలుగో ఓవర్లో మాథ్యూస్ వరుసగా మూడు ఫోర్లు కొట్టగా.. మారిజేన్ కాప్ వేసిన తర్వాతి ఓవర్లో యాస్తికా మూడు బౌండరీలు బాదింది. ధాటిగా ఆడుతున్న యాస్తికాను తొమ్మిదో ఓవర్లో తారా నోరిస్ వికెట్ల ముందు దొరకబుచ్చుకుంది. జట్టు స్కోరు 77 ఉన్నప్పుడు మారిజేన్ బౌలింగ్లో మాథ్యూస్.. రోడ్రిగ్స్కు క్యాచ్ ఇచ్చి పెవిలియన్ చేరింది. నాట్ సీవర్, హర్మన్ మిగతా పని పూర్తి చేశారు. వరుసగా రెండు మ్యాచ్ల్లో గెలిచిన దిల్లీకి ఇది తొలి ఓటమి.
తొలుత బ్యాటింగ్ చేసిన దిల్లీ బ్యాటర్లలో కెప్టెన్ మెగ్ లానింగ్ (43; 41 బంతుల్లో 5 ఫోర్లు) రాణించింది. జెమీమా రోడ్రిగ్స్ (25; 18 బంతుల్లో 3 ఫోర్లు) ఫర్వాలేదనిపించగా.. మిగతా బ్యాటర్లు షెఫాలీ వర్మ (2), అలీస్ క్యాప్సీ (6), మరిజేన్ కాప్ (2), జెస్ జొనాసెన్ (2), తానియా భాటియా (4) రాధా యాదవ్ (10), తారా నోరిస్ (0), మిన్ను మని (0) విఫలమయ్యారు. ముంబయి బౌలర్లలో సైకా ఇషాక్, ఇస్సీ వాంగ్, హేలీ మాథ్యూస్ మూడేసి వికెట్లతో ఆకట్టుకోగా.. పూజా వస్త్రాకర్ ఒక వికెట్ పడగొట్టింది.
25 పరుగులకే ఏడు వికెట్లు
12 ఓవర్లకు 80/3 స్కోరుతో కాస్త మెరుగ్గానే కనిపించిన దిల్లీ మరో 25 పరుగులు జోడించి చివరి ఏడు వికెట్లను కోల్పోయింది. 13 ఓవర్లో ఇషాక్.. రోడ్రిగ్స్, మెగ్ లానింగ్లను ఔట్ చేసి దిల్లీని గట్టి దెబ్బతీసింది. తర్వాతి ఓవర్లో కూడా దిల్లీ రెండు వికెట్లు కోల్పోయింది. గత మ్యాచ్లో రాణించిన జొనాసెన్తో పాటు మిన్నును మాథ్యూస్ పెవిలియన్కు పంపింది. 17 ఓవర్లో ఇస్సీ వాంగ్.. భాటియా, రాధాయాదవ్లను ఔట్ చేసింది. తర్వాతి ఓవర్లో నోరిస్ను మాథ్యూస్ వికెట్ల ముందు దొరకబుచ్చుకోవడంతో దిల్లీ ఆలౌటైంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది. -
అక్కడ బుర్ర పగిలిపోతుంది
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు.