WPL: అర్ధ శతకంతో మెరిసిన పెర్రీ.. దిల్లీ క్యాపిటల్స్‌ లక్ష్యం ఎంతంటే?

ముంబయి: డబ్ల్యూపీఎల్‌ (WPL)లో దిల్లీ క్యాపిట్సల్‌తో జరుగుతున్న మ్యాచ్‌లో రాయల్‌ ఛాలెంజర్స్‌ బెంగళూరు ఇన్నింగ్స్‌ ముగిసింది. తొలుత టాస్‌ ఓడి బ్యాటింగ్‌ చేసిన ఆర్సీబీ.. నిర్ణీత 20 ఓవర్లలో నాలుగు వికెట్ల నష్టానికి 150 పరుగులు చేసింది. ఎల్లీస్‌ పెర్రీ (67; 52 బంతుల్లో 4 ఫోర్లు, 5 సిక్స్‌లు) అర్ధ శతకంతో మెరవగా.. రిచా ఘోష్‌ (37; 16 బంతుల్లో 3 ఫోర్లు, 3 సిక్స్‌లు) దూకుడుగా ఆడింది.  కెప్టెన్‌ స్మృతి మంధాన (8), హెథర్‌ నైట్‌ (11) నిరాశపర్చగా..  సోఫీ డివైన్‌ (21) ఫర్వాలేదనిపించింది. శ్రేయంకా పాటిల్‌ (4*)  పరుగులు చేసింది. దిల్లీ బౌలర్లలో శిఖా పాండే మూడు వికెట్లతో ఆకట్టుకోగా.. తారా నోరిస్ ఒక వికెట్‌ను ఖాతాలో వేసుకుంది.