సరికొత్తగా ధోని

దిల్లీ: టీమ్‌ఇండియా మాజీ సారథి మహేంద్ర సింగ్‌ ధోని సామాజిక మాధ్యమాలకు వీలైనంత దూరంగానే ఉంటాడు. ఎప్పుడో ఒకసారి ఓ వీడియోలోనూ, వేరే వాళ్లు పోస్టు చేసే ఫోటోల్లోనో తళుక్కుమంటాడు. లాక్‌డౌన్‌ కారణంగా పూర్తిగా ఇంటికే అంకితమైన అతను తన కూతురుతో ఆడుకుంటున్న వీడియోలో నెరిసిన గడ్డంతో కనిపించిన సంగతి తెలిసిందే. అయితే తాజాగా ధోని తన అవతారాన్ని మార్చేశాడు. గడ్డం కొద్దిగా పెంచి దానికి నల్ల రంగు వేశాడు. బహుశా ఓ వీడియోకాల్‌లో అతను మాట్లాడుతూ ఉన్న ఓ వీడియో బయటకు వచ్చింది. దాన్ని చెన్నై సూపర్‌ కింగ్స్‌ ట్విట్టర్లో పోస్టు చేయడంతో ధోని కొత్త లుక్కు సామాజిక మాధ్యమాల్లో చక్కర్లు కొడుతోంది.