Published : 27 Jun 2022 01:20 IST

Umran Malik: ఉమ్రాన్‌ రాణిస్తున్నాడు.. ప్రపంచకప్‌ జట్టులో ఉండాలి : వెంగ్‌సర్కార్

ఇంటర్నెట్‌డెస్క్‌: ఉమ్రాన్‌ మాలిక్‌ నైపుణ్యమున్న బౌలర్‌ అని, అతడికి ప్రపంచకప్‌లో అవకాశం ఇచ్చి చూడాలని 1983 ప్రపంచకప్‌ ఛాంపియన్‌ దిలిప్‌ వెంగ్‌సర్కార్‌ సూచించాడు. ఇటీవల జరిగిన భారత టీ20 లీగ్‌ 15వ సీజన్‌లో హైదరాబాద్‌ తరఫున 22 వికెట్లతో అదరగొట్టడమే కాకుండా ఈ సీజన్‌లో నిలకడగా 150 కిమీకుపైగా వేగవంతమైన బౌలింగ్‌ చేసి ప్రత్యేకమైన గుర్తింపు తెచ్చుకున్నాడు. దీంతో రాబోయే టీ20 ప్రపంచకప్‌ టోర్నీకి అతడిని టీమ్‌ఇండియా తరఫున ఎంపిక చేయాలని పలువురు మాజీలు అభిప్రాయపడుతున్నారు. ఈ నేపథ్యంలోనే తాజాగా దిలిప్‌ వెంగ్‌సర్కార్‌, రోజర్‌ బిన్నీ సైతం అవే మాటలు చెప్పారు.

‘ఉమ్రాన్‌ టీ20లీగ్‌లో అదరగొట్టడంతో పాటు అత్యుత్తమ బౌలర్‌గా రాణించాడు. దీంతో రాబోయే టీ20 ప్రపంచకప్‌ జట్టులో ఉండటానికి అర్హత సాధించాడు. అతడు కచ్చితంగా ఆస్ట్రేలియాకు వెళతాడు. అవకాశం వస్తే రాణిస్తాడనే నమ్మకం నాకుంది. ఉమ్రాన్‌ ఇంకా యువ బౌలరే. ఇప్పుడు ఫామ్‌లో ఉన్నాడు కాబట్టి అవకాశం ఇచ్చి చూడాలి. మైదానంలో మేటి ప్రదర్శనలు చేయాలని కసితో ఉన్నాడు. తనదైన ముద్ర వేయడానికి ఉత్సాహంగా ఎదురుచూస్తున్నాడు’ అని వెంగ్‌సర్కార్‌ చెప్పుకొచ్చారు. రోజర్‌ బిన్నీ సైతం వెంగ్‌సర్కార్‌ వ్యాఖ్యలను సమర్థించారు. ఉమ్రాన్ ఇప్పటికే తన వేగంతో ఎంత ప్రమాదకర బౌలరో నిరూపించుకున్నాడని, టీ20లీగ్‌లో కొన్ని యార్కర్లు చూస్తే ఆ విషయం అర్థమవుతుందని చెప్పారు. అలాంటి పేసర్‌ను పక్కనపెట్టడం సరికాదని వివరించారు.

Read latest Sports News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని