Breaking | Feedback | ePratibha | E-PAPER | Pratibha

ENG vs IND:వాళ్ల కంటే మా అమ్మే మెరుగ్గా ఆడుతుంది: జెఫ్రీ బాయ్‌కాట్‌

స్వదేశం, విదేశం అనే తేడా లేకుండా అన్ని పిచ్‌లపై సత్తాచాటుతున్నాడు టీమ్‌ఇండియా యువ పేసర్‌ మహ్మద్‌ సిరాజ్‌. తనదైన బౌలింగ్‌ శైలితో ప్రత్యర్థి జట్టు

Published : 19 Aug 2021 21:44 IST

ఇంటర్నెట్‌ డెస్క్‌: స్వదేశం, విదేశం అనే తేడా లేకుండా అన్ని పిచ్‌లపై సత్తాచాటుతున్నాడు టీమ్‌ఇండియా యువ పేసర్‌ మహ్మద్‌ సిరాజ్‌. తనదైన బౌలింగ్‌ శైలితో ప్రత్యర్థి జట్టు ఆటగాళ్లను ఉచ్చులోకి దించి బోల్తా కొట్టిస్తున్నాడు. ఇంగ్లాండ్‌తో జరుగుతున్న ఐదు టెస్టుల సిరీస్‌లోనూ సిరాజ్ అదరగొడుతున్నాడు. లార్డ్స్‌ వేదికగా ఇంగ్లీష్ జట్టుతో ఇటీవల ముగిసిన రెండో టెస్టులో 151 పరుగుల తేడాతో భారత్‌ చరిత్రాత్మక విజయం సాధించింది.

ఇక, ఈ మ్యాచ్‌లో ఎనిమిది వికెట్లు పడగొట్టి ఇంగ్లాండ్‌ పతనాన్ని శాసించిన మహ్మద్‌ సిరాజ్‌ను ఇంగ్లాండ్‌ మాజీ కెప్టెన్‌ జెఫ్రీ బాయ్‌కాట్‌ ప్రశంసించాడు. సిరాజ్‌ దూకుడుకు ఎవరూ అడ్డుకట్టవేయొద్దని, అతడిని సహజ శైలిలో ఆడే విధంగా స్వేఛ్ఛనివ్వాలని భారత జట్టు యాజమన్యానికి సూచించాడు.

‘టీమ్‌ఇండియా దగ్గర అద్భుతమైన బౌలింగ్‌ దళం ఉంది. సిరాజ్‌ అంటే నాకిష్టం. అతడు మంచి ఉత్సాహాంతో ఉన్నాడు. ఏ విషయంలోనూ అతడిని నియంత్రించకండి. అతడి సహజ శైలిలో ఆడనివ్వండి. కొత్తవాడే అయినా, సిరాజ్‌ భారతదేశ ఆస్తి’ అని బాయ్‌కాట్ అన్నాడు.

ఇంగ్లాండ్ బ్యాటింగ్ తీరుపై బాయ్‌కాట్ తీవ్రంగా విరుచుకుపడ్డాడు. ఇంగ్లాండ్ టాప్‌-3 బ్యాట్స్‌మెన్‌ కంటే తన తల్లి బాగా ఆడుతుందని విమర్శించాడు.‘ఇంగ్లాండ్‌ బ్యాటింగ్ తీరు ఆందోళన కలిగిస్తోంది. మా జట్టులోని టాప్‌-3 బ్యాట్స్‌మెన్‌ కంటే మా అమ్మ బాగా ఆడగలదు. ఇది చాలా దురదృష్టకరం. టెక్నిక్ లేకపోవడమే ఇందుకు ప్రధాన కారణం’ అని జెఫ్రీ బాయ్‌కాట్‌ వివరించాడు.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.