India vs England: ఇంగ్లాండ్‌తో తొలి టీ20.. టాస్‌ గెలిచిన టీమిండియా

(Photo: BCCI Twitter)

సౌథాంప్టన్‌: ప్రపంచకప్‌ సమీపిస్తున్న నేపథ్యంలో ఇంగ్లాండ్‌తో టీ20 సిరీస్‌కు టీమిండియా సిద్ధమైంది. మూడు మ్యాచ్‌ల సిరీస్‌లో భాగంగా తొలి సమరం మరికాసేపట్లో ఆరంభం కానుంది. ఈ క్రమంలో టాస్‌ నెగ్గిన టీమిండియా కెప్టెన్‌ రోహిత్‌ శర్మ తొలుత బ్యాటింగ్‌ ఎంచుకున్నాడు. ప్రత్యర్థి జట్టుకు బౌలింగ్‌ అప్పగించాడు. జట్టు నిండా హిట్టర్లతో ఉన్న ఇంగ్లాండ్‌ను ఈ సిరీస్‌లో నిలువరించడం భారత్‌కు సవాలే. ఇయాన్‌ మోర్గాన్‌ రిటైరైన నేపథ్యంలో జోస్‌ బట్లర్‌ ఈ సిరీస్‌తోనే ఇంగ్లాండ్‌ కెప్టెన్‌గా ఎంపికయ్యాడు.

టీమిండియా: రోహిత్‌ శర్మ(కెప్టెన్‌), ఇషాన్‌ కిషన్‌, దీపక్‌ హుడా, సూర్యకుమార్‌ యాదవ్‌, హార్దిక్‌ పాండ్య, దినేశ్‌ కార్తిక్‌, అక్షర్‌ పటేల్‌, భువనేశ్వర్‌ కుమార్‌, అర్ష్‌దీప్‌ సింగ్‌, యుజేంద్ర చాహల్‌.

ఇంగ్లాండ్‌: జేసన్‌ రాయ్‌, జోస్‌ బట్లర్(కెప్లెన్)‌, డేవిడ్‌ మలన్‌, మొయిన్‌ అలీ, లియామ్‌ లివింగ్‌స్టోన్‌, హ్యరీ బ్రూక్‌, సామ్‌ కరణ్‌, క్రిస్‌ జోర్డాన్‌, టైమల్‌ మిల్స్‌, రీసి తోప్లే, మాథ్యూ పార్కిన్‌సన్‌.