మా వేగం.. అతి భయానకం!
టీ20 క్రికెట్ అంటేనే వేగం. బ్యాటర్ ఎంత త్వరగా అర్ధశతకం చేశాడు? వికెట్ల మధ్య ఎంత చురుగ్గా పరుగెత్తాడు? అన్నదే ఎక్కువగా చూస్తాం. మెరుపు వేగంతో బంతులు విసిరే బౌలర్లను మాత్రం అంతగా పట్టించుకోం! కానీ బుల్లెట్ల మాదిరిగా బంతులు విసిరే బౌలర్లనే జట్లు కోరుకుంటాయి....
విసురుతోంది బంతులా? బుల్లెట్లా?
టీ20 క్రికెట్ అంటేనే వేగం. బ్యాటర్ ఎంత త్వరగా అర్ధశతకం చేశాడు? వికెట్ల మధ్య ఎంత చురుగ్గా పరుగెత్తాడు? అన్నదే ఎక్కువగా చూస్తాం. మెరుపు వేగంతో బంతులు విసిరే బౌలర్లను మాత్రం అంతగా పట్టించుకోం! కానీ బుల్లెట్ల మాదిరిగా బంతులు విసిరే బౌలర్లనే జట్లు కోరుకుంటాయి. వారినే ప్రోత్సహిస్తాయి. అందుకే యూఏఈ వేదికగా జరుగుతున్న ఇండియన్ టీ20 లీగులో ఏయే పేసర్లు ఎంత వేగంతో బంతుల్ని సంధించారు? ఎంతగా ఆకట్టుకున్నారో ఓసారి చూద్దామా!
స్పీడ్గన్తో మొదలు
అంతర్జాతీయ క్రికెట్లో అత్యంత వేగంగా బంతుల్ని సంధించే బౌలర్లుగా షోయబ్ అక్తర్ (పాక్), బ్రెట్ లీ(ఆసీస్)కి పేరుంది. వీరిద్దరూ 100 మైళ్ల వేగంతో అంటే దాదాపుగా 161 కిలోమీటర్ల వేగంతో వేసేవారన్నమాట. లీతో పోలిస్తే అక్తర్దే పైచేయి అని కొందరు విశ్లేషకుల మాట. ఇక బీసీసీఐ పొట్టి క్రికెట్ లీగులోనూ 2012 నుంచి ఈ రికార్డుల్ని అందుబాటులో ఉంచుతున్నారు. అప్పట్లో డెక్కన్కు ఆడిన దక్షిణాఫ్రికా స్పీడ్గన్ డేల్ స్టెయిన్ 154.4 కి.మీ వేగంతో సరికొత్త చరిత్ర సృష్టించాడు. 2013లో రాజస్థాన్ పేసర్ షాన్ టైయిట్ (153.43 కి.మీ) వేగవంతమైన బంతి వేసినా స్టెయిన్ రికార్డును చెరపలేదు. 2014లో స్టెయిన్ (152.44 కి.మీ), 2015లో మిచెల్ జాన్సన్ (151.1 కి.మీ), జేసన్ హోల్డర్ (150.31 కి.మీ), పాట్ కమిన్స్ (153.56 కి.మీ), జోఫ్రా ఆర్చర్ (152.3 కి.మీ) ఆయా సీజన్లలో అత్యంత వేగంగా వేసినా స్టెయిన్ రికార్డుకు మాత్రం తక్కువే. అయితే 2019లో మాత్రం కాగిసో రబాడా (154.23) దాదాపుగా తన సహచరుడి వేగాన్ని అందుకున్నాడు.
బద్దలుకొట్టిన నోర్జె
మొన్నమొన్నటి వరకు లీగులో అత్యంత వేగంగా బంతులు విసిరిన రికార్డు స్టెయిన్ పేరుతోనే ఉంది. అయితే ఆన్రిచ్ నోర్జె (దిల్లీ) ఎప్పుడైతే రంగంలోకి దిగాడో అప్పుడే స్పీడ్గన్ రికార్డు బద్దలైంది. లీగు చరిత్రలోనే కనీవినీ ఎరగని మెరుపువేగాన్ని అతడు ప్రదర్శించాడు. దుబాయ్ వేదికగా రాజస్థాన్తో మ్యాచులో జోస్ బట్లర్కు తన బంతి వేగం.. అతిభయానకం! అని తెలియజేశాడు. ఏకంగా 156.22 కిలోమీటర్ల వేగంతో స్టెయిన్ రికార్డును బద్దలుకొట్టేశాడు. 2020లో టాప్-5 వేగవంతమైన బంతుల్ని విసిరాడు. రాజస్థాన్ ఇన్నింగ్స్లో మూడో ఓవర్లో వరుసగా 148.2, 152.3, 152.1, 146.4, 156.4, 155.1కి.మీ వేగం నమోదు చేశాడు. బట్లర్ తొలి బంతిని సిక్సర్, 4, 5 బంతుల్ని బౌండరీగా మలిచాడు. అయితే ఆఖరి బంతికి మాత్రం వికెట్లు గాల్లోకి ఎగిరాయి. ఇక మిగిలిన మ్యాచుల్లో నోర్జె 153-154కి.మీ. మధ్యన విసిరాడు.
సైని ఒక్కడే
ప్రస్తుత లీగులో తొలి ఐదు వేగవంతమైన బంతుల్ని నోర్జె విసిరితే తర్వాతి ఐదింటిని జోఫ్రా ఆర్చర్ వేయడం గమనార్హం. అతడు వరుసగా 152.55కి.మీ, 153.13, 153.23, 153.36, 153.62 కి.మీ వేగంతో బంతుల్ని నమోదు చేశాడు. అందుకే రాజస్థాన్ బౌలింగ్ విభాగంలో అతడెంతో కీలకంగా మారాడు. మూడో స్థానంలో కోల్కతా పేసర్ లాకీ ఫెర్గూసన్ నిలిచాడు. హైదరాబాద్తో టై అయిన మ్యాచులో 4-0-15-3తో అదరగొట్టాడు. తక్కువ రన్నప్తోనే 152.41కి.మీ, 152.38, 152.36కి.మీ వేగంతో బంతులేసి ఔరా అనిపించాడు. కోల్కతాకే చెందిన ప్యాట్ కమిన్స్ (151.70 కి.మీ), దిల్లీ పేసర్ కాగిసో రబాడా (150.99 కి.మీ) ముంబయి పేసర్ జేమ్స్ ప్యాటిన్సన్ (150.55కి.మీ), బెంగళూరు యువ పేసర్ నవదీప్ సైని (149.34 కి.మీ) తర్వాతి స్థానాల్లో నిలిచారు.
ఆర్చర్వే 50%
లీగులో 40 మ్యాచులు ముగిసేటప్పటికి నమోదైన 100 వేగవంతమైన బంతుల్ని పరిశీలిస్తే ఒక ఆశ్చర్యకరమైన విషయం తెలుస్తోంది. ఈ వంద బంతుల్లో భారత బౌలర్లు విసిరింది కేవలం నాలుగంటే నాలుగే. అవీ నవదీప్ సైని విసిరనవే. 67, 84, 91, 99వ వేగవంతమైన బంతుల్ని అతడు విసిరాడు. ఇక మిగిలినవన్నీ విదేశీ పేసర్లవే. కమిన్స్, రబాడా చెరో 3 వేయగా ప్యాటిన్సన్ అయితే ఒకే ఒక్కటి వేశాడు. జోఫ్రా ఆర్చర్ 47 బంతులతో అదరగొట్టాడు. ఆన్రిచ్ నోర్జె 28, లాకీ ఫెర్గూసన్ 14 బంతుల్ని సంధించారు. టాప్-100లో దాదాపు 50 శాతం బంతుల్ని ఆర్చర్ విసిరాడంటే అతడెంత నిలకడగా వేగాన్ని ప్రదర్శిస్తున్నాడో అంచనా వేయొచ్చు. అందుకే లీగులో అత్యంత విలువైన ఆటగాడిగా అతడే ముందున్నాడు. నోర్జె సైతం ఆర్చర్తో పోటీపడుతున్నాడు.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్
లఖ్నవూ చేతిలో చెన్నైకి వరుసగా రెండో ఓటమి ఎదురైంది. ఈసారి సొంత మైదానంలోనే పరాజయం పొందడంతో ఆ జట్టు అభిమానులను నిరాశకు గురి చేస్తోంది. -
ఆ ఇద్దరికి నో ప్లేస్.. వన్డౌన్ బ్యాటర్గా అతడే: ఇర్ఫాన్ పఠాన్
మరో మూడు రోజుల్లో టీ20 ప్రపంచ కప్ కోసం భారత జట్టును ప్రకటించే అవకాశం ఉంది. ఈ నేపథ్యంలో ఇర్ఫాన్ పఠాన్ తన టీమ్ను వెల్లడించాడు. -
ఉచిత ఆధార్ కోసం వార్నర్ పరుగులు.. వీడియో చూశారా..?
David Warner: దిల్లీ ఆటగాడు డేవిడ్ వార్నర్.. భారత గుర్తింపు కార్డు ఆధార్ కోసం పరిగెడుతున్నాడు. ఈ వీడియో ఇప్పుడు నెట్టింట చక్కర్లు కొడుతోంది. ఇందులో అతడు హిందీలో మాట్లాడటం విశేషం. -
టీ20 ప్రపంచ కప్ కోసం నేనూ రేసులో ఉన్నా: లఖ్నవూ సెంచరీ హీరో
సెంచరీతో చెన్నైపై భారీ లక్ష్యాన్ని ఛేదించడంలో లఖ్నవూ బ్యాటర్ స్టాయినిస్ కీలక పాత్ర పోషించాడు. ఒకదశలో ఓడిపోతామని భావించిన ఆ జట్టును చివరి వరకూ క్రీజ్లో ఉండి విజయతీరాలకు చేర్చాడు. -
14 ఓవర్ల వరకూ మాదే పైచేయి.. ఆ ఒక్క కారణంతోనే మా ఓటమి: రుతురాజ్
చెన్నై కెప్టెన్ రుతురాజ్ సెంచరీతో అలరించినా.. లఖ్నవూ జట్టే విజయం సాధించింది. మార్కస్ స్టాయినిస్ కీలకమైన శతకంతో తన జట్టును గెలిపించాడు. -
అక్కడ బుర్ర పగిలిపోతుంది: అంబటి రాయుడు
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.
తాజా వార్తలు (Latest News)
-
అలాంటి చిత్రాల్లో ఇదీ ఒకటి.. ఫహాద్ ఫాజిల్ ‘ఆవేశం’కు సమంత రివ్యూ
-
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు
-
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్
-
‘మంజుమ్మల్ బాయ్స్’ నిర్మాతలపై చీటింగ్ కేసు
-
యూట్యూబ్కు పోటీగా.. వీడియోల కోసం ‘ఎక్స్’ టీవీ యాప్!
-
విజయ్తో సినిమా కష్టమే..: వెట్రిమారన్