rohit sharma: రోహిత్ శర్మకు అభిమాని పాదాభివందనం

తిరువనంతపురం:  టీమ్‌ఇండియా సారథి రోహిత్‌ శర్మకు ఊహించని సంఘటన ఎదురైంది. దక్షిణాఫ్రికాతో ఓపెనింగ్‌ మ్యాచ్‌ సందర్భంగా అప్పుడే క్రీజులోకి అడుగుపెట్టిన ఈ కెప్టెన్‌ను చూసి ఓ అభిమాని అత్యుత్సాహం ప్రదర్శించాడు.  భద్రతా సిబ్బందిని తోసుకుని మైదానంలోకి దూసుకొచ్చిన అతడు రోహిత్‌కు పాదాభివందనం చేశాడు. ఈ పరిణామానికి కెప్టెన్‌ సహా అక్కడున్నవారందరూ ఆశ్చర్యపోయారు. అప్రమత్తమైన సిబ్బంది అతడిని వెంటనే అక్కడి నుంచి బయటకు పంపారు. గ్రీన్‌ఫీల్డ్‌ అంతర్జాతీయ మైదానం వేదికగా జరిగిన టీ20 మ్యాచులో 8 వికెట్ల తేడాతో భారత ఆటగాళ్లు సఫారీలను చిత్తు చేసిన విషయం తెలిసిందే. మొదట బ్యాటింగ్‌ ఎంచుకున్న దక్షిణాఫ్రికా నిర్ణీత ఓవర్లలో ఎనిమిది వికెట్ల నష్టానికి 106 పరుగులు చేసింది. అనంతరం భారత్‌ రెండు వికెట్ల నష్టానికి 16.4 ఓవర్లలో 110 పరుగులు చేసి లక్ష్యాన్ని ఛేదించింది.