Updated : 02 Jul 2022 09:00 IST

బోణీ కొట్టిన భారత్‌

పల్లెకెలె: శ్రీలంకపై టీ20 సిరీస్‌ నెగ్గిన భారత మహిళల జట్టు మూడు వన్డేల సిరీస్‌లోనూ శుభారంభం చేసింది. శుక్రవారం తొలి మ్యాచ్‌లో 4 వికెట్ల తేడాతో ప్రత్యర్థి జట్టును ఓడించింది. టాస్‌ గెలిచి మొదట బ్యాటింగ్‌ చేసిన లంక 48.2 ఓవర్లలో 171 పరుగులకే ఆలౌటైంది. దీప్తిశర్మ (3/25), రేణుక సింగ్‌ (3/29) ప్రత్యర్థిని కట్టడి చేశారు. టీమ్‌ఇండియా తరఫున ఎనిమిది మంది బౌలింగ్‌ చేయడం విశేషం. భారత్‌ 38 ఓవర్లలో 6 వికెట్లు కోల్పోయి లక్ష్యాన్ని అందుకుంది. ఛేదనలో భారత్‌ 17 పరుగులకే 2 వికెట్లు కోల్పోయింది. స్టార్‌ ఓపెనర్‌ స్మృతి మంధాన (4), యాస్తిక (1) స్వల్ప స్కోర్లకే ఔటయ్యారు. ఈ స్థితిలో కెప్టెన్‌ హర్మన్‌ప్రీత్‌ కౌర్‌ (44; 63 బంతుల్లో 3×4).. షెఫాలివర్మ (35; 40 బంతుల్లో 1×4, 2×6), హర్లీన్‌ డియోల్‌ (34; 40 బంతుల్లో)లతో కీలక భాగస్వామ్యాలు నెలకొల్పింది. హర్మన్‌, హర్లీన్‌, రిచా (6) స్వల్ప వ్యవధిలో ఔట్‌ కావడంతో 138/6తో టీమ్‌ఇండియా ఇబ్బందుల్లో పడ్డట్టు అనిపించింది. ౖకానీ దీప్తి (22 నాటౌట్‌).. పూజ (21 నాటౌట్‌)తో కలిసి జట్టును గెలిపించింది. లంక బౌలర్లలో ఇనోక(4/39) రాణించింది.

Read latest Sports News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని