Fifa world cup: ఆఖరి గోల్ నీదా.. నాదా!
ప్రపంచం మెచ్చిన బ్రెజిల్ కథ క్వార్టర్స్లో ముగిసిపోయింది. నాలుగుసార్లు ఛాంపియన్ జర్మనీ గ్రూప్ దశ అయినా దాటలేకపోయింది
అర్జెంటీనా × ఫ్రాన్స్
ప్రపంచకప్ ఫైనల్ నేడే
రాత్రి 8.30 నుంచి
ప్రపంచం మెచ్చిన బ్రెజిల్ కథ క్వార్టర్స్లో ముగిసిపోయింది. నాలుగుసార్లు ఛాంపియన్ జర్మనీ గ్రూప్ దశ అయినా దాటలేకపోయింది. మాజీ ఛాంపియన్లు స్పెయిన్, ఇంగ్లాండ్ నాకౌట్లో ఒకదాని తర్వాత ఒకటి వెనుదిరిగాయి. మొరాకో సంచలనాలకు, క్రొయేషియా అద్భుతాలకు సెమీస్లో బ్రేక్ పడింది.
ఇక మిగిలింది అర్జెంటీనా, ఫ్రాన్స్!
అర్జెంటీనా గెలిచిన ప్రపంచకప్లు రెండు. ఫ్రాన్స్ విజేతగా నిలిచిందీ రెండుసార్లే! ఈసారి రెండు జట్లూ గ్రూప్ దశలో ఒక్కో మ్యాచ్ ఓడి ఫైనల్ చేరాయి. అర్జెంటీనా సూపర్ స్టార్ మెస్సి ఈ ప్రపంచకప్లో సాధించిన గోల్స్ అయిదు. ఫ్రాన్స్ యోధుడు ఎంబాపె కొట్టిన గోల్స్ కూడా అయిదే! ఇటు చూస్తే ఆల్టైం గ్రేట్ మెస్సికి తోడు అల్వారెజ్, మార్టినెజ్.. అటు చూస్తే యువ సంచలనం ఎంబాపెతో పాటు గ్రీజ్మన్, గిరూడ్! ఇంకా చెప్పాలా ఇది సమవుజ్జీల సమరమని!
చిన్న జట్ల సంచలనాలు.. పెద్ద జట్ల పతనం.. స్టార్ ఆటగాళ్ల మెరుపులు.. యువ కెరటాల అద్భుతాలు.. అన్నీ చూశాం! అనిర్వచనీయ అనుభూతులతో ఉర్రూతలూగిపోయాం. ఇక ఆఖరి ఘట్టం కూడా అంచనాలకు తగ్గట్లు అద్భుతంగా సాగిపోతే 2022 టోర్నీ ఫుట్బాల్ ప్రేమికుల జ్ఞాపకాల్లో పదిలం!
మరి ‘మూడో’ ముచ్చట తీర్చుకునే జట్టేది? 26 ఏళ్ల నిరీక్షణకు అర్జెంటీనా తెరదించుతుందా.. లేక వరుసగా రెండో కప్పును ఫ్రాన్స్ ఎగరేసుకుపోతుందా? కప్పు కలను నెరవేర్చుకుని మెస్సి సగర్వంగా నిష్క్రమిస్తాడా? ఎంబాపె ఖాతాలో మరో టైటిల్ చేరుతుందా?
ప్రపంచ ఫుట్బాల్ ప్రేమికులందరినీ మునివేళ్లపై నిలబెట్టే సమరానికి రంగం సిద్ధమైంది. దాదాపు రెండొందల దేశాలు తలపడే అర్హత టోర్నీ అనే రెండేళ్ల క్రతువును పూర్తి చేసుకుని.. 32 జట్లు పోటీ పడే అసలు టోర్నీలోకి అడుగు పెట్టి.. నెల రోజుల హోరాహోరీ సమరాలు, ఉత్కంఠభరిత పోరాటాల అనంతరం.. కప్పు కోసం బరిలో మిగిలిన రెండు జట్ల మధ్య అంతిమ యుద్ధం ఆదివారమే. తొలి మ్యాచ్లో దిమ్మదిరిగే షాక్ తిని, నిష్క్రమణ కత్తి వేలాడుతుండగా, ఉత్కంఠభరిత క్షణాలను అధిగమిస్తూ, ఒక్కో అడ్డంకిని దాటుతూ ఫైనల్ చేరిన అర్జెంటీనా.. నాకౌట్ బెర్తు ఖరారు చేసుకున్నాక గ్రూప్ దశలో ట్యునీసియా చేతిలో అనూహ్య ఓటమి ఎదురైనా.. ఆ తర్వాత స్థాయికి తగ్గ ప్రదర్శన చేస్తూ ఫైనల్లో అడుగు పెట్టిన ఫ్రాన్స్ 2022 ఫిఫా ప్రపంచకప్ కోసం కొట్లాడబోతున్నాయి. ఫామ్ పరంగా చూసినా, నైపుణ్యాల విషయంలో రెండు జట్లలో దేనికి ఏదీ తీసిపోయేది కాకపోవడంతో ఫుట్బాల్ పండితులు కూడా ఫేవరెట్ ఎవరో కచ్చితంగా చెప్పలేని పరిస్థితి. కాబట్టి తుది సమరంలో హోరాహోరీ, అత్యుత్తమ వినోదం గ్యారెంటీ.
మనోళ్ల ఓటు అర్జెంటీనాకే!
భారత జట్టు ఫుట్బాల్ ప్రపంచకప్లో ఆడడం కలే కానీ.. ఈ మెగా టోర్నీ జరుగుతుంటే మనవాళ్లు గెలవాలని కోరుకునే జట్లు తప్పక ఉంటాయి. ఎప్పట్నుంచో భారతీయుల ఫేవరెట్ బ్రెజిలే. అది కప్పు రేసులో నుంచి వెళ్లిపోగానే అర్జెంటీనా పైకి తమ ఆశలను మళ్లిస్తారు. మెస్సికి ఇక్కడ కోట్లల్లో అభిమానులన్నారు. వాళ్లందరి కోరికా అర్జెటీనా గెలవాలనే. ఐరోపా జట్ల కంటే దక్షిణ అమెరికా జట్ల మీదే మనవాళ్లకు గురి ఎక్కువ. కాబట్టి ఫ్రాన్స్ కాకుండా అర్జెంటీనా కప్పు గెలవాలన్నది భారత అభిమానుల కోరిక.
ఫ్రాన్స్కు ఫ్లూ దెబ్బ
ప్రపంచకప్ ఫైనల్ ముంగిట ఫ్రాన్స్ జట్టులో ఆందోళనకర వాతావరణం నెలకొంది.
ఆ జట్టు శిబిరంలో ఫ్లూ విస్తరిస్తుండడంతో ఆటగాళ్లు ఇబ్బంది పడుతున్నారు. ఇప్పటికే డయోట్, రాబియట్ మొరాకోతో సెమీస్కు దూరమయ్యారు. అయినా జట్టు సులువుగానే గెలిచేసింది. కానీ అర్జెంటీనాతో ఫైనల్ ముంగిట వరానె లాంటి కీలక ఆటగాడితో పాటు కొనాటె కూడా ఫ్లూ బారిన పడ్డాడు. వాళ్లిద్దరూ జలుబు, కాస్త జ్వరంతో బాధపడుతున్నట్లు తెలిసింది. వరానె ఫైనల్కు అందుబాటులో లేకుండా ఫ్రాన్స్కు ఎదురుదెబ్బే.
పంచకప్ విజేతకు రూ.347 కోట్లు
ఫుట్బాల్ ప్రపంచకప్ విజేతకు రూ.347 కోట్లు ప్రైజ్మనీగా లభించనుంది! రన్నరప్కు రూ.248 కోట్లు బహుమతిగా దక్కుతాయి. మూడో స్థానం దక్కించుకున్న క్రొయేషియా రూ. 223 కోట్లు.. నాలుగు స్థానంలో నిలిచిన మొరాకో రూ.206 కోట్లు అందుకుంటాయి. క్వార్టర్ఫైనల్లో ఓడిన బ్రెజిల్, నెదర్లాండ్స్, పోర్చుగల్, ఇంగ్లాండ్ రూ.140 కోట్ల చొప్పున.. ప్రిక్వార్టర్స్లో ఇంటిముఖం పట్టిన అమెరికా, సెనెగల్, ఆస్ట్రేలియా, పోలెండ్, స్పెయిన్, జపాన్, స్విట్జర్లాండ్, దక్షిణకొరియాలకు రూ.107 కోట్ల చొప్పున ప్రైజ్మనీ లభిస్తుంది.
అలా కానీ ముగిస్తే..
మెస్సి.. మెస్సి.. మెస్సి..కొన్ని రోజులుగా ప్రపంచమంతా మాట్లాడుకుంటున్నది ఈ దిగ్గజ ఆటగాడి గురించే. అంతర్జాతీయంగానే కాక క్లబ్ ఫుట్బాల్లోనూ ఎన్నో అసాధారణ ఘనతలు అందుకుని ఫుట్బాల్ చరిత్రలోనే అత్యుత్తమ ఆటగాళ్లలో ఒకడిగా గుర్తింపు సంపాదించిన మెస్సికి ప్రపంచకప్ మాత్రం కలగానే మిగిలిపోయింది. తమ దేశ దిగ్గజం మారడోనాలా, బ్రెజిల్ ఆల్టైం గ్రేట్ పీలేలా ప్రపంచకప్ అనే కలికితురాయిని తన కీర్తి కిరీటంలో చేర్చుకుని సగర్వంగా నిష్క్రమించాలన్నది అతడి కోరిక. 2014లోనే అవకాశం వచ్చినా, ఫైనల్లో అర్జెంటీనా బోల్తా కొట్టడంతో అతడి కల నెరవేరలేదు. మళ్లీ ఇప్పుడు అతడికి అరుదైన అవకాశం వచ్చింది. ఈ టోర్నీలో తన అద్భుత విన్యాసాలతో అర్జెంటీనా ఫైనల్ చేరిన మెస్సి.. ఫైనల్లోనూ అదే ప్రదర్శనను పునరావృతం చేసి తన అంతర్జాతీయ కెరీర్కు ఘనమైన ముగింపునిస్తాడని, ఒక పరిపూర్ణత్వాన్ని అందుకుంటాడని అభిమానులు ఆశిస్తున్నారు. ఫైనల్లో మెస్సి గోల్ కొట్టి, అర్జెంటీనా కప్పు గెలిస్తే ఫుట్బాల్ ప్రపంచం ఆనంద తాండవం చేస్తుందనడంలో సందేహం లేదు.
క్రొయేషియాకు మూడో స్థానం
గత ప్రపంచకప్ రన్నరప్ క్రొయేషియా ఈసారి మూడో స్థానం సాధించింది. శనివారం జరిగిన మూడో స్థానం ప్లేఆఫ్లో ఆ జట్టు 2-1తో మొరాకోపై విజయం సాధించింది. క్రొయేషియా తరఫున గ్వార్డియోల్ (7వ), ఒర్సిచ్ (42వ) చెరో గోల్ చేయగా.. మొరాకో తరఫున డారి (9వ) గోల్ సాధించాడు.
* అర్జెంటీనా, ఫ్రాన్స్ జట్లలో ఏది ఫైనల్లో నెగ్గినా వారికి మూడో ప్రపంచకప్ అవుతుంది. అర్జెంటీనా 1978, 1986లో విజేతగా నిలవగా.. ఫ్రాన్స్ 1998, 2018లో ఛాంపియన్ అయింది.
* అర్జెంటీనా దక్షిణ అమెరికా జట్టు కాగా.. ఫ్రాన్స్ ఐరోపాకు ప్రాతినిధ్యం వహిస్తోంది. ఈ రెండు ఖండాల జట్ల మధ్య జరిగిన పది ఫైనల్స్లో ఏడుసార్లు దక్షిణ అమెరికా జట్టుదే విజయం.
* 1998లో ప్రపంచకప్ గెలిచిన ఫ్రాన్స్ జట్టులో సభ్యుడైన డిడ్లియర్ డెస్ఛాంప్స్.. 2018లో ఆ జట్టు కోచ్గా ప్రపంచకప్ సాధించాడు. ఈసారి కూడా అతను ఫ్రాన్స్ను విజేతగా నిలిపితే.. ఇటలీ కోచ్ విటోరియా పొజో (1934, 1938) తర్వాత రెండు ప్రపంచకప్లు సాధించిన కోచ్గా రికార్డులకెక్కుతాడు.
* 19 ఏళ్ల వయసులో 2018 ప్రపంచకప్ ఫైనల్లో గోల్ కొట్టి ఫ్రాన్స్ను గెలిపించిన ఎంబాపె.. బ్రెజిల్ దిగ్గజం పీలే (1958-17 ఏళ్లు) తర్వాత ప్రపంచకప్ ఫైనల్లో స్కోర్ చేసిన అతి పిన్నవయస్కుడు అయ్యాడు. ఈసారి ఫ్రాన్స్ నెగ్గితే.. తన తొలి రెండు ప్రపంచకప్ల్లో టైటిల్ సాధించిన పీలే (1958, 1964) రికార్డును ఎంబాపె సమం చేస్తాడు.
5
ఈ ప్రపంచకప్లో అర్జెంటీనా తరఫున మెస్సి, ఫ్రాన్స్ తరఫున ఎంబాపె కొట్టిన గోల్స్. ఫైనల్లో ఎవరు పైచేయి సాధిస్తే వారిదే గోల్డెన్ బూట్.
2
ప్రపంచకప్ల్లో ఫ్రాన్స్తో జరిగిన మూడు మ్యాచ్ల్లో అర్జెంటీనా సాధించిన విజయాలు. 1930, 1978 గ్రూప్ దశలో అర్జెంటీనా గెలవగా.. 2018 ప్రిక్వార్టర్స్లో ఫ్రాన్స్ విజయం సాధించింది.
12 అర్జెంటీనా, ఫ్రాన్స్ మధ్య ఇప్పటివరకు జరిగిన మ్యాచ్లు. అర్జెంటీనా 6 మ్యాచ్ల్లో నెగ్గగా.. ఫ్రాన్స్ మూడింట్లో గెలిచింది.
3 మ్యాచ్లు డ్రాగా ముగిశాయి.
ప్రపంచకప్లో..అర్జెంటీనా విజయాలు - 47
డ్రాలు - 16
ఓటములు - 24
ఫ్రాన్స్
విజయాలు - 39
డ్రాలు - 13
ఓటములు - 20
అర్జెంటీనా ఫైనల్కు ఇలా.. ఫ్రాన్స్
1-2 (సౌదీ) మ్యాచ్ 1 4-1 (ఆస్ట్రేలియా)
2-0 (మెక్సికో) మ్యాచ్ 2 2-1 (డెన్మార్క్)
2-0 (పోలెండ్) మ్యాచ్ 3 0-1 (ట్యునీషియా)
2-1 (ఆస్ట్రేలియా) ప్రిక్వార్టర్స్ 3-1 (పోలెండ్)
2-2(4-3) (డచ్) క్వార్టర్స్ 2-1 (ఇంగ్లాండ్)
3-0 (క్రొయేషియా) సెమీస్ 2-0 (మొరాకో)
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ముంబయి ‘డీఆర్ఎస్ సిగ్నల్’పై ట్రోలింగ్.. టామ్ మూడీ ట్వీట్ వైరల్!
పంజాబ్పై 9 పరుగుల తేడాతో ముంబయి గెలిచింది. కానీ, ఆ జట్టుకు అంపైర్లు మద్దతుగా నిలిచారనే ఆరోపణలు వస్తున్నాయి. -
అది నా డ్రీమ్ సిక్స్.. బుమ్రా బౌలింగ్లో ఇప్పటికి నెరవేరింది: అశుతోష్ శర్మ
క్రికెటర్లు తాము కొట్టే షాట్.. లేదా తీసే వికెట్ జీవితాంతం మరిచిపోకుండా ఉంటారు. అలాంటి అనుభవం పంజాబ్ బ్యాటర్ అశుతోష్ శర్మకూ ఎదురైంది. -
‘స్పీడ్’ స్టార్లు vs సిక్సర్ల వీరులు... రెండు జట్లలో ‘హ్యాట్రిక్’ ఎవరికి?
ఐపీఎల్ 17వ సీజన్లో ఇవాళ మరో ఆసక్తికర పోరుకు రంగం సిద్ధమవుతోంది. తన సొంత మైదానంలో లఖ్నవూ జట్టు చెన్నైను ఢీకొట్టనుంది. -
త్వరలో ఫీల్డింగ్కు వస్తా.. 40 ఓవర్లూ మైదానంలో ఉంటా: సూర్య
‘ఇంపాక్ట్’ ప్లేయర్గా బరిలోకి దిగుతున్న సూర్యకుమార్ యాదవ్ (Suryakumar Yadav) బ్యాటింగ్లో చెలరేగుతున్నాడు. విరామం తర్వాత బ్యాటింగ్లో మునుపటి సూర్యను చూస్తున్నామని అభిమానులు సంబరపడుతున్నారు. -
దుబాయ్ నుంచి ఆలస్యంగా పునియా, సుజీత్.. ఒలింపిక్ క్వాలిఫయర్స్ మిస్
Wrestlers: భారీ వర్షాల కారణంగా దుబాయ్లో చిక్కుకున్న భారత రెజ్లర్లు దీపక్ పునియా, సుజీత్.. ఆసియా ఒలింపిక్ క్వాలిఫయర్స్ దూరమయ్యారు. ఆలస్యంగా రావడంతో వారిని పోటీలకు అనుమతించలేదు. -
పవర్ప్లేలో రెండు ఓవర్లు వేస్తేనే..: జస్ప్రీత్ బుమ్రా
పంజాబ్పై ముంబయి విజయం సాధించడంలో బుమ్రా కీలక పాత్ర పోషించాడు. తన తొలి ఓవర్లోనే రెండు వికెట్లను పడగొట్టి ముంబయి పైచేయి సాధించేలా చేశాడు. -
ఆలస్యమైన మ్యాచ్.. హార్దిక్ పాండ్యకు జరిమానా
ఎట్టకేలకు ముంబయి మళ్లీ మరో విజయాన్ని తన ఖాతాలో వేసుకుంది. ఉత్కంఠభరితంగా సాగిన ఈ మ్యాచ్లో పంజాబ్పై కేవలం 9 పరుగుల తేడాతో విజయం సాధించింది. -
అంపైర్గా పని చేసి.. ఐపీఎల్లో అదరగొట్టి... నయా సంచలనం అశుతోష్ కథ ఇది!
ధనాధన్ షాట్లతో ముంబయి మీద విరుచుకుపడి ఓటమి భయం చూపించిన అశుతోష్ శర్మ గురించి ఆసక్తికర విషయాలు... -
ఇంపాక్ట్ ప్లేయర్తో నష్టమే
ఐపీఎల్ గతేడాది ప్రవేశ పెట్టిన ఇంపాక్ట్ ప్లేయర్ విధానం కారణంగా ఆల్రౌండర్లకు నష్టం కలుగుతోందని టీమ్ఇండియా కెప్టెన్ రోహిత్ శర్మ అభిప్రాయపడ్డాడు. -
ఆల్రౌండర్లకు దెబ్బ
టీమ్ఇండియా కెప్టెన్ రోహిత్ చెప్పినట్లు ఐపీఎల్లో ఇంపాక్ట్ ప్లేయర్ నిబంధన భారత ఆల్రౌండర్లకు చేటు చేస్తోంది. టీ20 ప్రపంచకప్లో తలపడే టీమ్ఇండియా ఎంపిక కోసం ఐపీఎల్ ప్రదర్శన కూడా పరిగణలోకి తీసుకుంటారనే చెప్పాలి. -
ప్చ్.. పంజాబ్
13 బంతులు.. 14 పరుగులు.. 4 వికెట్లు! 193 పరుగుల ఛేదనలో పంజాబ్ పరిస్థితిది! బుమ్రా లాంటి మేటి బౌలర్.. బెంబేలెత్తిస్తున్న నేపథ్యంలో ఆ జట్టు కనీసం పోటీలో ఉన్నట్లు కూడా కనపడలేదు. ముంబయి విజయం లాంఛనమేనని తీర్మానించారంతా! కానీ అశుతోష్ శర్మ అసాధారణ బ్యాటింగ్తో పంజాబ్ అద్భుతం చేసినంత పని చేసింది. -
అశుతోష్.. నయా మెరుపు
గుజరాత్తో పంజాబ్ మ్యాచ్.. లక్ష్యం 200.. 150కే 6 వికెట్లు పడిపోయాయి.. ఉన్న ఓవర్లు కూడా తక్కువే! అయినా చివరికి పంజాబ్ గెలిచింది! -
చమరి 195 నాటౌట్
మహిళల క్రికెట్లో శ్రీలంక నయా రికార్డు సృష్టించింది. చమరి ఆటపట్టు (195 నాటౌట్; 139 బంతుల్లో 26×4, 5×6) భారీ శతకంతో అదరగొట్టడంతో దక్షిణాఫ్రికాతో మ్యాచ్లో 302 పరుగుల లక్ష్యాన్ని ఛేదించింది. -
ఇషా సత్తా చాటేనా!
హైదరాబాదీ షూటర్ ఇషా సింగ్కు సవాల్. పారిస్ ఒలింపిక్స్ టికెట్ కోసం ఆమె పోటీకి సిద్ధమైంది. శుక్రవారం కర్ణిసింగ్ రేంజ్లో ఆరంభమయ్యే సెలక్షన్ ట్రయల్స్లో మహిళల 25 మీటర్ల పిస్టల్ విభాగంలో ఇషా బరిలో దిగనుంది. -
కళ్లన్నీ వినేశ్ పైనే
పారిస్ ఒలింపిక్స్ కోటా స్థానాల వేటకు భారత రెజ్లర్లు సిద్ధమయ్యారు. శుక్రవారం ప్రారంభమయ్యే ఆసియా ఒలింపిక్ క్వాలిఫయర్స్లో అత్యుత్తమ ప్రదర్శనే లక్ష్యంగా బరిలో దిగుతున్నారు. -
నదిలో నాలుగు గంటలు
ఒలింపిక్స్ చరిత్రలోనే మొట్టమొదటిగా ఈ మెగా క్రీడల ఆరంభోత్సవ వేడుకలను ఆరుబయట నిర్వహించేందుకు పారిస్ సిద్ధమవుతోంది.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9 PM
-
కాంగ్రెస్ ఎన్నికల ప్రచారంలో షారూఖ్ ఖాన్ ?... భాజపా అభ్యంతరం
-
హైదరాబాద్ శివారులో వర్ష బీభత్సం.. శ్రీశైలం హైవేపై ట్రాఫిక్ జామ్
-
‘విక్రమార్కుడు’, ‘బజరంగీ భాయిజాన్’ సీక్వెల్స్ అప్డేట్.. ఎంతవరకు వచ్చాయంటే!
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
ఎన్నికల కోడ్ ఉల్లంఘనపై షర్మిలకు ఈసీ నోటీసులు