అక్షర్‌కు కెరీర్‌ అత్యుత్తమ ర్యాంకు

దుబాయ్‌: టీమ్‌ఇండియా ఆల్‌రౌండర్‌ అక్షర్‌ పటేల్‌ టెస్టుల్లో కెరీర్‌ అత్యుత్తమ ర్యాంకు సాధించాడు. బుధవారం ఐసీసీ ప్రకటించిన బౌలింగ్‌ జాబితాలో అక్షర్‌ 20 స్థానాలు మెరుగై 18వ ర్యాంకులో నిలిచాడు. బంగ్లాదేశ్‌తో తొలి టెస్టులో    5 వికెట్లు తీసిన అక్షర్‌.. 650 పాయింట్లతో టాప్‌-20 ర్యాంకింగ్స్‌లో చోటు సంపాదించాడు. రెండు ఇన్నింగ్స్‌ల్లో సత్తాచాటి ‘మ్యాన్‌ ఆఫ్‌ ద మ్యాచ్‌’ అవార్డు సొంతం చేసుకున్న కుల్దీప్‌యాదవ్‌ 19 స్థానాలు మెరుగై 49వ ర్యాంకు సాధించాడు. బుమ్రా 4, ఆర్‌.అశ్విన్‌ 5వ ర్యాంకుల్లో కొనసాగుతున్నారు. బ్యాటింగ్‌లో పుజారా 10 స్థానాలు మెరుగై 16వ ర్యాంకు చేరుకున్నాడు. శ్రేయస్‌ అయ్యర్‌ 11 స్థానాలు మెరుగై 26వ ర్యాంకు దక్కించుకున్నాడు. రిషబ్‌ పంత్‌ 6, రోహిత్‌శర్మ 9, విరాట్‌ కోహ్లి 12వ స్థానాల్లో కొనసాగుతున్నారు.