Iftikhar Ahmed: ఇఫ్తికార్‌.. 6 బంతుల్లో 6 సిక్స్‌లు

లాహోర్‌: 6 బంతుల్లో 6 సిక్సర్లు..! చాలా అరుదు. కానీ ఇటీవల కాలంలో ఈ ఫీట్‌ తరుచుగా నమోదవుతూనే ఉంది. తాజాగా 6 బంతుల్లో 6 సిక్సర్ల ఘనతను పాకిస్థాన్‌ బ్యాటర్‌ ఇఫ్తికార్‌ అహ్మద్‌ సాధించాడు. క్వెటా గ్లాడియేటర్స్‌కు ప్రాతినిథ్యం వహిస్తూ పెషావర్‌ జల్మీతో ఎగ్జిబిషన్‌ మ్యాచ్‌లో అతడు సిక్సర్లతో విరుచుకుపడ్డాడు. వాహబ్‌ రియాజ్‌ వేసిన ఇన్నింగ్స్‌లో 20 ఓవర్లో ఇఫ్తికార్‌ వరుసగా ఆరు సిక్సర్లు బాదేశాడు. ఇప్పటిదాకా గ్యారీ సోబర్స్‌, రవిశాస్త్రి, గిబ్స్‌, యువరాజ్‌ సింగ్‌, రాస్‌ విట్లే, హజ్రతుల్లా జజాయ్‌, లీయో కార్టర్‌, పొలార్డ్‌, తిసార పెరీరా 6 బంతుల్లో 6 సిక్సర్ల రికార్డు క్లబ్‌లో ఉన్నారు.