ముగ్గురు స్పిన్నర్లను ఆడించొచ్చు: కేఎల్‌ రాహుల్‌

నాగ్‌పుర్‌: తొలి టెస్టుకు ఆతిథ్యమిస్తున్న నాగ్‌పుర్‌ పిచ్‌ను అంచనా వేయడం అంత సులువు కాదని టీమ్‌ఇండియా వైస్‌ కెప్టెన్‌ కేఎల్‌ రాహుల్‌ అన్నాడు. గురువారం ప్రారంభమయ్యే మ్యాచ్‌లో ముగ్గురు స్పిన్నర్లను ఆడించే   అవకాశముందని తెలిపాడు. ‘‘తుది జట్టును ఇంకా నిర్ణయించలేదు. 11 మంది ఎంపిక చాలా కఠినమైన నిర్ణయం కానుంది. కొందరు ఆటగాళ్లు అత్యుత్తమంగా ఆడారు. కొన్ని స్థానాలకు చర్చలు జరుగుతున్నాయి. ఆటగాళ్లతో మాట్లాడుతున్నాం. నాగ్‌పుర్‌ పిచ్‌ను చూశాం. ఇప్పుడే పిచ్‌పై అంచనాకు రావడం తొందరపాటు     అవుతుంది. భారత్‌లో ఉన్నాం కాబట్టి ముగ్గురు స్పిన్నర్లతో ఆడాలని ఉంది. అవసరమైతే మిడిలార్డర్‌లో ఆడటానికి నేను సిద్ధం’’ అని రాహుల్‌ పేర్కొన్నాడు.