ఆ మ్యాచ్‌లో రాహుల్‌ ఆడుంటే అతడి కెరీర్‌ ముగిసేది: మాజీ ఆటగాడు శ్రీకాంత్‌

దిల్లీ: ఆస్ట్రేలియాతో మూడో టెస్టుకు భారత జట్టులో చోటు కోల్పోవడం రాహుల్‌కు మంచే జరిగిందని భారత మాజీ ఆటగాడు శ్రీకాంత్‌ అన్నాడు. భారత్‌ చిత్తుగా ఓడిన ఈ మ్యాచ్‌లో ఆడుంటే రాహుల్‌ కెరీర్‌ ముగిసేదని శ్రీకాంత్‌ అభిప్రాయపడ్డాడు. ‘‘ఆ మ్యాచ్‌లో రాహుల్‌ ఆడకపోవడం సంతోషించదగ్గ విషయమే. ఒకవేళ ఆ పిచ్‌పై ఆడి ఉంటే, చివరి రెండు టెస్టుల్లో పరుగుల బాట పట్టకపోయుంటే రాహుల్‌ కెరీర్‌ ముగిసేది. దేవుడి దయ వల్ల మ్యాచ్‌లో అతడు ఆడలేదు. అలాంటి పిచ్‌లపై బ్యాటింగ్‌ చాలా కష్టం. కోహ్లి సహా ఎవరూ అక్కడ పరుగులు చేయలేరు. ఈ పిచ్‌పై నేను బౌలింగ్‌ చేసినా వికెట్లు దక్కేవి. టెస్టులకు ఈ పిచ్‌లు మంచివి కావు’’ అని శ్రీకాంత్‌ అన్నాడు.