WPL: వారెవ్వా గ్రేస్.. అనూహ్యంగా విరుచుకుపడ్డ బ్యాటర్
వారెవ్వా గ్రేస్ హారిస్..! అలవోకగా గెలిచేలా కనిపించిన గుజరాత్ జెయింట్స్కు ఈ యూపీ వారియర్స్ బ్యాటర్ దిమ్మదిరిగే షాకిచ్చింది. గ్రేస్ హారిస్ తన విధ్వంసక విన్యాసాలతో డబ్ల్యూపీఎల్కే ఊపు తెచ్చింది.
గుజరాత్కు యూపీ షాక్
వారెవ్వా గ్రేస్ హారిస్..! అలవోకగా గెలిచేలా కనిపించిన గుజరాత్ జెయింట్స్కు ఈ యూపీ వారియర్స్ బ్యాటర్ దిమ్మదిరిగే షాకిచ్చింది. గ్రేస్ హారిస్ తన విధ్వంసక విన్యాసాలతో డబ్ల్యూపీఎల్కే ఊపు తెచ్చింది. చివరి నాలుగు ఓవర్లలో 63 పరుగులు చేయాల్సిన స్థితిలో యూపీ పనైపోయినట్లేనని భావించారంతా. కానీ గ్రేస్ పెను విధ్వంసంతో ఆ జట్టుకు సంచలన విజయాన్నందించింది.
మహిళల ప్రిమియర్ లీగ్ (డబ్ల్యూపీఎల్)లో యూపీ వారియర్స్కు అదిరే ఆరంభం. ఓడిపోయే స్థితి నుంచి అద్భుతంగా పుంజుకున్న ఆ జట్టు రసవత్తర పోరులో 3 వికెట్ల తేడాతో గుజరాత్ జెయింట్స్ను మట్టికరిపించింది. హర్లీన్ డియోల్ (46; 32 బంతుల్లో 7×4), సబ్బినేని మేఘన (24; 15 బంతుల్లో 5×4) మెరవడంతో మొదట గుజరాత్ 6 వికెట్లకు 169 పరుగులు చేసింది. గ్రేస్ హారిస్ (59 నాటౌట్; 26 బంతుల్లో 7×4, 3×6) సంచలన ఇన్నింగ్స్తో లక్ష్యాన్ని యూపీ 19.5 ఓవర్లలో 7 వికెట్లు కోల్పోయి ఛేదించింది. కీలక ఇన్నింగ్స్ ఆడిన సోఫీ ఎకిల్స్టోన్ (22 నాటౌట్; 12 బంతుల్లో 1×4, 1×6)తో అభేద్యమైన ఎనిమిదో వికెట్కు గ్రేస్ 70 పరుగులు జోడించింది. కిరణ్ నవ్గిరె (53; 43 బంతుల్లో 5×4, 2×6) రాణించింది. కిమ్ గార్త్ (5/36) శ్రమ వృథా అయింది.
గ్రేస్ బాదుడే బాదుడు: 105/7. కిమ్ గార్త్ విజృంభించడంతో ఛేదనలో, 16 ఓవర్లలో యూపీ వారియర్స్ పరిస్థితిది. ఆ జట్టు క్రమం తప్పకుండా వికెట్లు కోల్పోవడంతో మ్యాచ్ ఏకపక్షంగా అనిపించింది. కిరన్ నవ్గిరే రాణించినా.. మిగతా బ్యాటర్లు విఫలమవడంతో యూపీ ఓటమి బాటలో పయనించింది. ఆఖరి నాలుగు ఓవర్లలో యూపీ 63 పరుగులు చేయాల్సిన స్థితిలో గుజరాత్ విజయం లాంఛనమే అనిపించింది. ఎవరూ యూపీ విజయాన్ని ఊహించి ఉండరు. కానీ గ్రేస్ హారిస్ పెను విధ్వంసంతో గుజరాత్కు షాకిచ్చింది. వారియర్స్కు సంచలన విజయాన్నందించింది. మరోవైపు సోఫీ ఎకిల్స్టోన్ కూడా మెరుపు ఇన్నింగ్స్తో తన వంతు పాత్ర పోషించింది. 17వ ఓవర్ ఆఖరి బంతికి సిక్స్ కొట్టడంతో మొదలైంది గ్రేస్ జోరు. చివరి మూడు ఓవర్లలో 53 పరుగులు చేయాల్సివుండగా.. గార్త్ ఓవర్లో ఆమె వరుసగా మూడు ఫోర్లు దంచింది. సోఫీ కూడా ఓ ఫోర్ కొట్టడంతో ఆ ఓవర్లో ఏకంగా 20 పరుగులొచ్చాయి. సోఫీ సిక్స్తో 19వ ఓవర్లో (గార్డ్నర్) 14 పరుగులొచ్చాయి. చివరి ఓవర్లో యూపీకి 19 పరుగులు అవసరంకాగా.. అనాబెల్ సదర్లాండ్ పేలవంగా బౌలింగ్ చేసింది. తొలి బంతికే గ్రేస్ సిక్స్ కొట్టింది. వైడ్, 2, 4, వైడ్.. తర్వాతి బంతుల్లో పరిస్థితిది. ఆ తర్వాత గ్రేస్ వరుసగా 4, 6 దంచడంతో యూపీ సంబరాల్లో మునిగిపోయింది.
మెరిసిన హర్లీన్: గుజరాత్ జెయింట్స్ ఇన్నింగ్స్లో హర్లీన్ డియోల్ ఆటే హైలైట్. టాస్ గెలిచిన ఆ జట్టు బ్యాటింగ్ ఎంచుకోగా... తెలుగమ్మాయి సబ్బినేని మేఘన ధాటిగా ఆడింది. ఫాస్ట్బౌలర్ అంజలి శ్రావణి బౌలింగ్లో వరుసగా రెండు ఫోర్లు దంచిన ఆమె.. రాజేశ్వరి గైక్వాడ్ వేసిన ఇన్నింగ్స్ మూడో ఓవర్లో మరో రెండు ఫోర్లు కొట్టేసింది. 3 ఓవర్లలో జట్టు స్కోరు 30. అయితే ఇన్నింగ్స్ జోరుగా సాగుతుండగా.. మరో ఓపెనర్ డంక్లీ (13), మేఘన కొద్ది తేడాతో ఔట్ కావడంతో గుజరాత్ అయిదో ఓవర్లో 38/2తో నిలిచింది. డంక్లీన్ను ఔట్ చేయడం ద్వారా దీప్తి గుజరాత్ పతనాన్ని ఆరంభించగా.. మేఘనను ఎకిల్స్టోన్ వెనక్కి పంపింది. అనాబెల్ (8), సుష్మా వర్మ (9) కూడా ఎక్కువసేపు నిలువలేదు. స్కోరు వేగం కూడా తగ్గింది. 11వ ఓవర్లో గుజరాత్ 78/4తో నిలిచింది. మరోవైపు హర్లీన్ నిలబడింది కానీ ఎక్కువ దూకుడుగా ఆడలేదు. గార్డ్నర్ (25)తో కలిసి ఇన్నింగ్స్ను నడిపించింది కానీ.. స్కోరు బోర్డు ఊపందుకోలేదు. అయిదో వికెట్కు 44 పరుగులు జోడించిన గార్డ్నర్ 16వ ఓవర్లో ఔటయ్యాక హర్లీన్ జోరు పెంచింది. దేవిక వైద్య వేసిన ఇన్నింగ్స్ 17వ ఓవర్లో ఆమె వరుసగా నాలుగు ఫోర్లు కొట్టింది. తర్వాతి ఓవర్లో ఔటైంది. చెలరేగి ఆడిన హేమలత (21 నాటౌట్; 13 బంతుల్లో 2×4, 1×6).. స్నేహ్ రాణా (9 నాటౌట్)తో అభేద్యమైన ఏడో వికెట్కు 27 పరుగులు జోడించింది. ఆఖరి నాలుగు ఓవర్లలో గుజరాత్ 46 పరుగులు రాబట్టింది.
గుజరాత్ జెయింట్స్: మేఘన (సి) సెహ్రావత్ (బి) ఎకిల్స్టోన్ 24; డంక్లీ (బి) దీప్తి 13; హర్లీన్ డియోల్ (సి) తాలియా (బి) అంజలి 46; అనాబెల్ సదర్లాండ్ (సి) అంజలి (బి) ఎకిల్స్టోన్ 8; సుష్మా వర్మ (సి) సెహ్రావత్ (బి) తాలియా 9; ఆష్లీ గార్డ్నర్ (స్టంప్డ్) హీలీ (బి) దీప్తి 25; హేమలత నాటౌట్ 21; స్నేహ్ రాణా నాటౌట్ 9; ఎక్స్ట్రాలు 14 మొత్తం: (20 ఓవర్లలో 6 వికెట్లకు) 169;
వికెట్ల పతనం: 1-34, 2-38, 3-50, 4-76, 5-120, 6-142;
బౌలింగ్: రాజేశ్వరి 4-0-30-0; అంజలి శ్రావణి 4-0-43-1; దీప్తి శర్మ 4-0-27-2; సోఫీ 4-0-25-2; తాలియా 2-0-18-1; దేవిక 2-0-24-0
యూపీ వారియర్స్ ఇన్నింగ్స్: అలీసా(సి) అండ్ (బి) గార్త్ 7; శ్వేత సెహ్రావత్ (సి) మాన్సి (బి) గార్త్ 5; కిరణ్ నవ్గిరె (సి) సుష్మ (బి) గార్త్ 53; తాలియా (సి) హేమలత (బి) గార్త్ 0; దీప్తి (బి) మాన్సీ జోషి 11; గ్రేస్ హారిస్ నాటౌట్ 59; సిమ్రాన్ (బి) గార్త్ 0; దేవిక (సి) హేమలత (బి) సదర్లాండ్ 4; సోఫీ నాటౌట్ 22; ఎక్స్ట్రాలు 14 మొత్తం: (19.5 ఓవర్లలో 7 వికెట్లకు) 175;
వికెట్ల పతనం: 1-13, 2-19, 3-20, 4-86, 5-88, 6-88, 7-105;
బౌలింగ్: కిమ్ 4-0-36-5; తనూజ 4-0-29-0; ఆష్లీ 4-0-34-0; అనాబెల్ 3.5-0-41-1; స్నేహ్ 2-0-16-0; మాన్సి 2-0-15-1
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అక్కడ బుర్ర పగిలిపోతుంది: అంబటి రాయుడు
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.
తాజా వార్తలు (Latest News)
-
14 ఓవర్ల వరకూ మాదే పైచేయి.. ఆ ఒక్క కారణంతోనే మా ఓటమి: రుతురాజ్
-
మనసుకీ వ్యాయామం ముఖ్యమే.. వేదాంత అధిపతి హెల్త్ టిప్స్
-
సుప్రీం సీరియస్.. మరోసారి పతంజలి బహిరంగ క్షమాపణలు
-
వేడుకగా ‘ఆదికేశవ’ నటి వివాహం.. ఫొటో వైరల్
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
-
బతిమాలినా..భయపెట్టినా.. ఉండేదేలే..!