Virender Sehwag: పృథ్వీ షా, శుభ్మన్ గిల్ నాతో ఆరు గంటలున్నా..
ఇటీవల ఓ యాడ్ షూటింగ్ సందర్భంగా పృథ్వీ షా, శుభ్మన్ గిల్ ఆరు గంటలు తనతో ఉన్నా ఇద్దరిలో ఎవరూ క్రికెట్ గురించి మాట్లాడలేదని వీరేంద్ర సెహ్వాగ్ చెప్పాడు.
దిల్లీ: ఇటీవల ఓ యాడ్ షూటింగ్ సందర్భంగా పృథ్వీ షా, శుభ్మన్ గిల్ ఆరు గంటలు తనతో ఉన్నా ఇద్దరిలో ఎవరూ క్రికెట్ గురించి మాట్లాడలేదని వీరేంద్ర సెహ్వాగ్ చెప్పాడు. ‘‘పృథ్వీ నాతో కలిసి ఓ యాడ్ షూటింగ్లో పాల్గొన్నాడు. శుభ్మన్ గిల్ కూడా ఉన్నాడు. ఇద్దరిలో ఒక్కరూ ఒక్కసారి కూడా నాతో క్రికెట్ గురించి మాట్లాడలేదు. మేమక్కడ ఆరు గంటలు ఉన్నాం. మనం ఎవరితోనైనా మాట్లాడాలి అనుకుంటే చొరవ చూపాల్సింది మనమే’’ అని అన్నాడు. ఒకప్పుడు సునీల్ గావస్కర్తో మాట్లాడాలనుకున్న తాను, అతణ్ని ఎలా సంప్రదించాడో చెప్పాడు సెహ్వాగ్. ‘‘అప్పుడు నేను జట్టులో కొత్త. సన్నీ భాయ్ (గావస్కర్)తో మాట్లాడాలనుకున్నా. ‘నేనింకా కొత్త ఆటగాణ్ని. సన్నీ భాయ్ నన్ను కలుస్తాడో లేదో. కానీ మీరు నాకోసం ఆయనతో సమావేశం ఏర్పాటు చెయ్యాలి’ అని జాన్ రైట్తో చెప్పా. దాంతో రైట్ 2003-04లో నాకోసం డిన్నర్ ఏర్పాటు చేశాడు. నా ఓపెనింగ్ భాగస్వామి ఆకాశ్ చోప్రా కూడా వస్తాడని, బ్యాటింగ్ గురించి సన్నీ భాయ్తో మాట్లాడతామని చెప్పా. సన్నీ భాయ్ వచ్చాడు. మాతో కలిసి డిన్నర్ చేశాడు. నేను చెప్పేదేంటంటే.. ఎవరినైనా కలవాలనుకుంటే మనమే చొరవ చూపాలి. సెహ్వాగ్ లేదా చోప్రాతో మాట్లాడడానికి గావస్కర్ ముందుకు రాడు. మాట్లాడమని మనమే అతడికి విజ్ఞప్తి చేయాలి’’ అని చెప్పాడు. పేలవ దశలో ఉన్న ఆటగాడు సీనియర్ ఆటగాడి దగ్గరకు వెళ్లి మాట్లాడితే బాగుంటుందని వీరూ అన్నాడు. ఈ సీజన్ ఐపీఎల్లో పేలవ ఫామ్తో సతమతమవుతున్న పృథ్వీ (దిల్లీ క్యాపిటల్స్) బుధవారం పంజాబ్ కింగ్స్పై చక్కని అర్ధశతకం సాధించిన సంగతి తెలిసిందే. ‘‘గావస్కర్ మాతో చాలా సేపు మాట్లాడాడు. సలహాలు ఇచ్చాడు. ఆ సంభాషణతో మేమెంతో లాభపడ్డాం. కానీ సీనియర్తో మాట్లాడాలంటే మనమే చొరవ చూపాలి. గావస్కరే వచ్చి మనతో మాట్లాడడు. పృథ్వీ షా కూడా ప్రయత్నిస్తే ఎవరో ఒకరు అతడితో మాట్లాడేవాళ్లు’’ అని సెహ్వాగ్ అన్నాడు. క్రికెట్లో ఎంత ప్రతిభ ఉన్నా.. మానసికంగా ఫిట్గా లేకపోతే ప్రయోజనం లేదని అతడు చెప్పాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ప్చ్.. పంజాబ్
13 బంతులు.. 14 పరుగులు.. 4 వికెట్లు! 193 పరుగుల ఛేదనలో పంజాబ్ పరిస్థితిది! బుమ్రా లాంటి మేటి బౌలర్.. బెంబేలెత్తిస్తున్న నేపథ్యంలో ఆ జట్టు కనీసం పోటీలో ఉన్నట్లు కూడా కనపడలేదు. ముంబయి విజయం లాంఛనమేనని తీర్మానించారంతా! కానీ అశుతోష్ శర్మ అసాధారణ బ్యాటింగ్తో పంజాబ్ అద్భుతం చేసినంత పని చేసింది. -
అశుతోష్.. నయా మెరుపు
గుజరాత్తో పంజాబ్ మ్యాచ్.. లక్ష్యం 200.. 150కే 6 వికెట్లు పడిపోయాయి.. ఉన్న ఓవర్లు కూడా తక్కువే! అయినా చివరికి పంజాబ్ గెలిచింది! -
ఇంపాక్ట్ ప్లేయర్తో నష్టమే
ఐపీఎల్ గతేడాది ప్రవేశ పెట్టిన ఇంపాక్ట్ ప్లేయర్ విధానం కారణంగా ఆల్రౌండర్లకు నష్టం కలుగుతోందని టీమ్ఇండియా కెప్టెన్ రోహిత్ శర్మ అభిప్రాయపడ్డాడు. -
చమరి 195 నాటౌట్
మహిళల క్రికెట్లో శ్రీలంక నయా రికార్డు సృష్టించింది. చమరి ఆటపట్టు (195 నాటౌట్; 139 బంతుల్లో 26×4, 5×6) భారీ శతకంతో అదరగొట్టడంతో దక్షిణాఫ్రికాతో మ్యాచ్లో 302 పరుగుల లక్ష్యాన్ని ఛేదించింది. -
ఇషా సత్తా చాటేనా!
హైదరాబాదీ షూటర్ ఇషా సింగ్కు సవాల్. పారిస్ ఒలింపిక్స్ టికెట్ కోసం ఆమె పోటీకి సిద్ధమైంది. శుక్రవారం కర్ణిసింగ్ రేంజ్లో ఆరంభమయ్యే సెలక్షన్ ట్రయల్స్లో మహిళల 25 మీటర్ల పిస్టల్ విభాగంలో ఇషా బరిలో దిగనుంది. -
కళ్లన్నీ వినేశ్ పైనే
పారిస్ ఒలింపిక్స్ కోటా స్థానాల వేటకు భారత రెజ్లర్లు సిద్ధమయ్యారు. శుక్రవారం ప్రారంభమయ్యే ఆసియా ఒలింపిక్ క్వాలిఫయర్స్లో అత్యుత్తమ ప్రదర్శనే లక్ష్యంగా బరిలో దిగుతున్నారు. -
నదిలో నాలుగు గంటలు
ఒలింపిక్స్ చరిత్రలోనే మొట్టమొదటిగా ఈ మెగా క్రీడల ఆరంభోత్సవ వేడుకలను ఆరుబయట నిర్వహించేందుకు పారిస్ సిద్ధమవుతోంది. -
ఆల్రౌండర్లకు దెబ్బ
టీమ్ఇండియా కెప్టెన్ రోహిత్ చెప్పినట్లు ఐపీఎల్లో ఇంపాక్ట్ ప్లేయర్ నిబంధన భారత ఆల్రౌండర్లకు చేటు చేస్తోంది. టీ20 ప్రపంచకప్లో తలపడే టీమ్ఇండియా ఎంపిక కోసం ఐపీఎల్ ప్రదర్శన కూడా పరిగణలోకి తీసుకుంటారనే చెప్పాలి.
తాజా వార్తలు (Latest News)
-
మర్రి చెట్టు తొర్రలో రూ.64 లక్షలు
-
పేదరాలు బుట్టమ్మ ఆస్తులు రూ.161.21 కోట్లు
-
నా భర్తపై రెబల్గా పోటీ చేస్తా.. టెక్కలి వైకాపా అభ్యర్థి దువ్వాడ భార్య వాణి
-
వీలైతే ఒకసారి వీళ్లపై తీసిన సినిమాలు చూడండి: పూరి జగన్నాథ్
-
గూగుల్ మ్యాప్స్లో మరో కొత్త ఫీచర్.. ఈవీ స్టేషన్లు వెతకడం ఇక సులువే!
-
స్వీపర్ తనయుడు.. సివిల్స్లో సత్తా చాటాడు