డబ్ల్యూటీసీ ఫైనల్‌ విజేతకు రూ.13.22 కోట్లు

దుబాయ్‌: ప్రపంచ టెస్టు ఛాంపియన్‌షిప్‌ ఫైనల్లో విజేతగా నిలిచే జట్టు రూ.13.22 కోట్ల నగదు బహుమతిని అందుకోనుంది. రన్నరప్‌కు రూ.6.61 కోట్లు లభిస్తాయి. 2019-21 డబ్ల్యూటీసీ టోర్నీ మాదిరిగానే ఈసారి కూడా రూ.31.4 కోట్ల ప్రైజ్‌మనీనే ఐసీసీ కేటాయించింది. జూన్‌ 7న ఇంగ్లాండ్‌లో ఆరంభమయ్యే ఫైనల్లో భారత్‌, ఆస్ట్రేలియా తలపడనున్న సంగతి తెలిసిందే. ‘‘టోర్నమెంట్‌ నగదు బహుమతిలో ఎలాంటి మార్పు లేదు. విజేతకు రూ.13.22 కోట్లు.. రన్నరప్‌కు రూ.6.61 కోట్లు లభిస్తాయి. దక్షిణాఫ్రికా రూ.3.72 కోట్లు (3వ స్థానం), ఇంగ్లాండ్‌ రూ.2.9 కోట్లు (4వ స్థానం), శ్రీలంక రూ.1.65 కోట్లు (అయిదో స్థానం) దక్కించుకుంటాయి. న్యూజిలాండ్‌ (6), పాకిస్థాన్‌ (7), వెస్టిండీస్‌ (8), బంగ్లాదేశ్‌ (9) తలా రూ.82.7 లక్షలు అందుకుంటాయి’’ అని ఐసీసీ తెలిపింది.