రెండో రౌండ్లో జకోవిచ్‌

ఫ్రెంచ్‌ ఓపెన్‌

పారిస్‌: ఫేవరెట్లు నొవాక్‌ జకోవిచ్‌ (సెర్బియా), అల్కరాస్‌ ఫ్రెంచ్‌ ఓపెన్‌ రెండో రౌండ్‌కు దూసుకెళ్లారు. మొదటి రౌండ్లో జకోవిచ్‌ 6-3, 6-2, 7-6 (7-1)తో కొవాసెవిచ్‌ (అమెరికా)ను మట్టికరిపించాడు. టాప్‌సీడ్‌ అల్కరాస్‌ (స్పెయిన్‌) 6-0, 6-2, 7-5తో కొబోలి (ఇటలీ)పై గెలిచాడు. మరో మ్యాచ్‌లో ఏడో సీడ్‌ రుబ్లెవ్‌ 6-1, 3-6, 6-3, 6-4తో లాస్లో జెర్‌పై విజయం సాధించాడు. 14వ సీడ్‌ నోరీ 7-5, 4-6, 3-6, 6-1, 6-4తో పయర్‌ను ఓడించాడు. 19వ సీడ్‌ బటిస్టా అగట్‌   7-6 (7-4), 6-1, 6-1తో యిబింగ్‌ వు ను ఓడించి రెండో రెండ్లో అడుగుపెట్టాడు. ఇతర మ్యాచ్‌ల్లో ఫోగ్నిని 6-4, 6-4, 6-3తో అలియాసిమెపై, షపోవలోవ్‌ 6-4, 7-5, 4-6, 3-6, 6-3తో నకషిమపై, వావ్రింకా 7-6 (7-5), 6-4, 6-7 (2-7), 1-6, 6-4తో రామోస్‌ వినోలాస్‌పై గెలిచారు. ష్వార్జ్‌మాన్‌, డిమినార్‌, డానియల్‌, గిరోన్‌, వారిలాస్‌ కూడా ముందంజ వేశారు. మహిళల సింగిల్స్‌లో స్టీఫెన్స్‌, స్వితోలినా శుభారంభం చేశారు. తొలి రౌండ్లో స్టీఫెన్స్‌ 6-0, 6-4తో ప్లిస్కోవాపై నెగ్గింది. స్వితోలినా 6-2, 6-2తో ట్రెవిసన్‌ను ఓడించింది. గార్సియా 7-6 (7-4), 4-6, 6-4తో వాంగ్‌పై నెగ్గింది.20వ సీడ్‌ మాడిసన్‌ కీస్‌ శుభారంభం చేసింది. ఆరంభ రౌండ్లో ఆమె 6-1, 3-6, 6-1తో కనెపిపై విజయం సాధించింది. 12వ సీడ్‌ బెన్సిచ్‌ తొలి రౌండ్‌ను అధిగమించలేపోయింది. ఆమె 3-6, 6-2, 4-6తో అవనేస్యన్‌ చేతిలో పరాజయంపాలైంది.