డబ్ల్యూటీసీ ఫైనల్‌కు హేజిల్‌వుడ్‌ దూరం

లండన్‌: భారత్‌తో ప్రపంచ టెస్టు ఛాంపియన్‌షిప్‌ (డబ్ల్యూటీసీ) ఫైనల్‌ ముంగిట ఆస్ట్రేలియాకు పెద్ద ఎదురుదెబ్బ. పక్కటెముకల గాయం నుంచి పూర్తిగా కోలుకోని ఆ జట్టు సీనియర్‌ ఫాస్ట్‌బౌలర్‌ హేజిల్‌వుడ్‌.. ఈ మ్యాచ్‌కు దూరమయ్యాడు. అతడి స్థానంలో ఆసీస్‌.. మైకేల్‌ నీసర్‌ను జట్టులోకి తీసుకుంది. ఇటీవలే ముగిసిన ఐపీఎల్‌లో హేజిల్‌వుడ్‌ గాయపడ్డాడు. రాయల్‌ ఛాలెంజర్స్‌ బెంగళూరు తరఫున మూడు మ్యాచ్‌లే ఆడిన అతడు.. ఆ తర్వాత గాయంతో స్వదేశం వెళ్లిపోయాడు. హేజిల్‌వుడ్‌ గైర్హాజరీలో.. స్కాట్‌ బోలాండ్‌ అతడి స్థానంలో తుది జట్టులో చోటు దక్కించుకునే అవకాశముంది. కమిన్స్‌, స్టార్క్‌తో కలిసి అతడు పేస్‌ బౌలింగ్‌ బాధ్యతలు పంచుకోవచ్చు.