బ్రిజ్‌భూషణ్‌ అనుచరుల వాంగ్మూలం నమోదు

దిల్లీ: లైంగిక వేధింపుల ఆరోపణలు ఎదుర్కొంటున్న భారత రెజ్లింగ్‌ సమాఖ్య (డబ్ల్యూఎఫ్‌ఐ) అధ్యక్షుడు బ్రిజ్‌భూషణ్‌ శరణ్‌సింగ్‌ కేసులో దిల్లీ పోలీసులు దర్యాప్తు ముమ్మరం చేశారు. మంగళవారం గోండా (ఉత్తర్‌ప్రదేశ్‌)లోని బ్రిజ్‌భూషణ్‌ నివాసంలో పనిచేస్తున్న అతని అనుచరుల వాంగ్మూలం నమోదు చేసినట్లు దిల్లీ పోలీసులు తెలిపారు. గతంలో పోక్సో చట్టం కింద రెజ్లర్‌ (బాలిక) వాంగ్మూలాన్ని నమోదు చేసిన దిల్లీ పోలీసులు.. సీఆర్‌పీసీ సెక్షన్‌ 164 ప్రకారం తాజాగా ఆమె స్టేట్‌మెంట్‌ రికార్డు చేసినట్లు పేర్కొన్నారు. కేసుకు సంబంధించిన అన్ని ఆధారాలు సేకరిస్తున్నామని.. నివేదికను కోర్టుకు సమర్పిస్తామని తెలిపారు.