రన్నరప్గా స్నేహిత్
జాతీయ ర్యాంకింగ్ టేబుల్ టెన్నిస్ ఛాంపియన్షిప్ పురుషుల సింగిల్స్లో తెలంగాణ ఆటగాడు ఫిదెల్ రఫీక్ స్నేహిత్ రన్నరప్గా నిలిచాడు.
జాతీయ ర్యాంకింగ్ టీటీ
ఈనాడు, హైదరాబాద్: జాతీయ ర్యాంకింగ్ టేబుల్ టెన్నిస్ ఛాంపియన్షిప్ పురుషుల సింగిల్స్లో తెలంగాణ ఆటగాడు ఫిదెల్ రఫీక్ స్నేహిత్ రన్నరప్గా నిలిచాడు. శుక్రవారం మొయినాబాద్లోని ఫైర్ఫాక్స్ స్పోర్ట్స్, రిసార్ట్స్లో జరిగిన ఫైనల్లో అతను 2-4 (11-5, 11-13, 11-8, 3-11, 4-11, 10-12) తేడాతో మానవ్ థక్కర్ (పీఎస్పీబీ) చేతిలో ఓడాడు. తొలి గేమ్ గెలిచి మ్యాచ్ను మెరుగ్గా మొదలెట్టిన స్నేహిత్.. ఆ తర్వాత తడబడ్డాడు. మూడో గేమ్లో విజయంతో పోటీలో నిలిచినప్పటికీ.. అనంతరం వరుసగా మూడు గేమ్ల్లో ప్రత్యర్థికి తలవంచి పరాజయం పాలయ్యాడు. మహిళల సింగిల్స్ తుదిపోరులో ఐహిక (ఆర్బీఐ) 11-5, 11-7, 11-4, 9-11, 11-4తో దియా (ఆర్బీఐ)పై గెలిచింది. అండర్-19 యూత్ బాలుర టైటిల్ను అంకూర్ (పశ్చిమ బెంగాల్), బాలికల ట్రోఫీని సయాలి వాణి (మహారాష్ట్ర) సొంతం చేసుకున్నారు.
డబ్ల్యూఎఫ్ఐ ఎన్నికల్లో ముందడుగు
దిల్లీ: భారత రెజ్లింగ్ సమాఖ్య (డబ్ల్యూఎఫ్ఐ) ఎన్నికల్లో ముందడుగు పడింది. భారత ఒలింపిక్ సంఘం (ఐఓఏ) అడ్హక్ కమిటీ.. డబ్ల్యూఎఫ్ఐ ఓటర్ల జాబితాను సేకరించింది. ఈనెల 30లోపు డబ్ల్యూఎఫ్ఐ ఎన్నికలు నిర్వహించాలని కేంద్రం గడువు విధించడంతో అడ్హక్ కమిటీ చర్యలు చేపట్టింది. ‘‘హైకోర్టు రిటైర్డ్ న్యాయమూర్తిని అడ్హక్ కమిటీలో మూడో సభ్యుడిగా నియమిస్తాం. ఎన్నికల కోసం ఓటర్ల జాబితాను సేకరించాం’’ అని ఐఓఏ వర్గాలు తెలిపాయి.
భారత్ శుభారంభం
భువనేశ్వర్: ఇంటర్ కాంటినెంటల్ ఫుట్బాల్ టోర్నమెంట్లో భారత్ శుభారంభం చేసింది. శుక్రవారం తొలి మ్యాచ్లో 2-0 గోల్స్తో మంగోలియాను ఓడించింది. ఆట మొదలైన కాసేపటికే సునీల్ ఛెత్రి బృందం ఆధిక్యంలోకి వెళ్లింది. 2వ నిమిషంలో సహల్ అబ్దుల్ గోల్ కొట్టాడు. ఆ తర్వాత లాలియన్జులా (14వ) బంతిని నెట్లోకి పంపి ఆధిక్యాన్ని రెట్టింపు చేశాడు. ఆ తర్వాత భారత్కు కొన్ని అవకాశాలు వచ్చిన గోల్ చేయలేకపోయింది. ఆఖరిదాకా ఆధిక్యాన్ని కాచుకున్న భారత్ ఘన విజయం సాధించింది. సోమవారం జరిగే పోరులో వనౌటుతో భారత్ తలపడుతుంది.
అమ్మాయిలకు జపాన్ సవాల్
జూనియర్ హాకీ ఆసియాకప్లో నేడు భారత్ సెమీస్ పోరు
కకమిగహర (జపాన్): పురుషుల బాటలోనే సాగుతూ.. జూనియర్ మహిళల హాకీ ఆసియా కప్లో టైటిల్ దిశగా సాగుతున్న భారత అమ్మాయిలు.. మొదట సెమీస్లో జపాన్ సవాలును ఎదుర్కోనున్నారు. శనివారం ఆతిథ్య జట్టుపై గెలిచి ఫైనల్ చేరడమే లక్ష్యంగా భారత్ బరిలో దిగనుంది. గ్రూప్ దశలో ఉజ్బెకిస్థాన్, మలేసియా, చైనీస్ తైపీపై విజయాలు నమోదు చేసిన భారత్.. కొరియాతో మ్యాచ్ను డ్రా చేసుకుంది. అజేయ ప్రదర్శనతో పూల్- ఎ లో అగ్రస్థానంలో నిలిచిన మన అమ్మాయిలు.. అదే ఆత్మవిశ్వాసాన్ని సెమీస్లోనూ కొనసాగించాలని చూస్తున్నారు.
తొలిసారి తుదిపోరుకు
అండర్-20 ఫుట్బాల్ ప్రపంచకప్ ఫైనల్లో ఇటలీ
లా ప్లాటా (అర్జెంటీనా): ఇటలీ యువ ఫుట్బాల్ జట్టు చరిత్ర సృష్టించింది. తొలిసారి అండర్-20 ఫుట్బాల్ ప్రపంచకప్ ఫైనల్కు దూసుకెళ్లింది. శుక్రవారం సెమీస్లో ఆ జట్టు 2-1 తేడాతో దక్షిణ కొరియాపై విజయం సాధించింది. కసాడీ (14వ నిమిషంలో), సిమోన్ పఫుండి (86వ) చెరో గోల్తో ఇటలీ విజయంలో కీలక పాత్ర పోషించారు. దక్షిణ కొరియా తరపున నమోదైన ఏకైక గోల్ను సియాంగ్ వాన్ లీ (23వ) చేశాడు. అంతకుముందు మరో సెమీస్లో ఉరుగ్వే 1-0తో ఇజ్రాయెల్పై నెగ్గింది. అండర్సన్ డువార్టె (61వ) గెలుపు గోల్ కొట్టాడు. భారత కాలమానం ప్రకారం ఆదివారం అర్ధరాత్రి దాటిన తర్వాత 2:30 గంటలకు ఆరంభమయ్యే ఫైనల్లో ఇటలీ, ఉరుగ్వే తలపడతాయి. ఈ పోరులో గెలిచిన జట్టుకు ఇదే మొట్టమొదటి అండర్-20 ప్రపంచకప్ టైటిల్ అవుతుంది. గతంలో ఉరుగ్వే రెండు సార్లు (1997, 2013)లో తుదిపోరు చేరినా.. విజేతగా నిలవలేకపోయింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అక్కడ బుర్ర పగిలిపోతుంది
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.