Dhoni: ధోని పైసా తీసుకోకుండా..

దిల్లీ: టీ20 ప్రపంచకప్‌కు టీమ్‌ఇండియా మార్గనిర్దేశకుడిగా వ్యవహరించనున్న మాజీ కెప్టెన్‌ మహేంద్రసింగ్‌ ధోని.. అందుకోసం బీసీసీఐ నుంచి ఎలాంటి ఫీజూ తీసుకోవట్లేదట. ఉచితంగానే ఈ బాధ్యతలు నిర్వర్తించడానికి ధోని ముందుకొచ్చినట్లు బీసీసీఐ అధ్యక్షుడు సౌరభ్‌ గంగూలీ వెల్లడించాడు. ‘‘భారత జట్టుకు మెంటార్‌గా వ్యవహరిస్తున్నందుకు ధోని డబ్బులేమీ తీసుకోవట్లేదు’’ అని గంగూలీ చెప్పాడు. ఈ నెల 17న ఆరంభమయ్యే టోర్నీ కోసం గత నెల జట్టును  ప్రకటించినపుడే ధోనీని మార్గనిర్దేశకుడిగా ఉండబోతున్న విషయాన్ని వెల్లడించడం తెలిసిందే. 40 ఏళ్ల ధోని గత ఏడాదే అంతర్జాతీయ క్రికెట్‌కు గుడ్‌బై చెప్పాడు. ఐపీఎల్‌లో మాత్రం కొనసాగుతున్నాడు.