IND vs ENG: భారత్‌ × ఇంగ్లాండ్‌.. అయిదో టెస్టుపై స్పష్టత

లండన్‌: కరోనా కారణంగా నిరవధికంగా వాయిదా పడిన భారత్‌-ఇంగ్లాండ్‌ అయిదో టెస్టుపై స్పష్టత వచ్చింది. వచ్చే ఏడాది ఈ మ్యాచ్‌ను నిర్వహించనున్నారు. అయిదు టెస్టుల సిరీస్‌లో భాగంగానే ఈ మ్యాచ్‌ ఉంటుంది. అంటే సెప్టెంబరులో ముగియాల్సిన అయిదు టెస్టుల సిరీస్‌ ఫలితం వచ్చే జులైలో తేలనుంది. ఈ సిరీస్‌లో భారత్‌ 2-0 ఆధిక్యంలో ఉన్న సంగతి తెలిసిందే. భారత సహాయక బృందంలోని సభ్యులకు కరోనా సోకడంతో మాంచెస్టర్‌ (సెప్టెంబరు 10-14)లో అయిదు టెస్టు ఆరంభానికి కొన్ని గంటల ముందు మ్యాచ్‌కు టీమ్‌ఇండియా దూరమైన సంగతి తెలిసిందే. ఈ సిరీస్‌లో భారత్‌ ప్రస్తుతం 2-1 ఆధిక్యంలో ఉంది. సిరీస్‌లో ఆఖరి మ్యాచ్‌ వచ్చే ఏడాది జులై 1న ప్రారంభం కానున్నట్లు ఇంగ్లాండ్‌ అండ్‌ వేల్స్‌ క్రికెట్‌ బోర్డు తాజాగా వెల్లడించింది. వచ్చే సంవత్సరం ఇంగ్లాండ్‌లో పరిమిత ఓవర్ల సిరీస్‌లు జరిగే సమయంలోనే ఈ టెస్టును నిర్వహించబోతున్నారు. ఈ మ్యాచ్‌ ఎడ్జ్‌బాస్టన్‌లో జరగనుంది.