IND vs SA: ఇక్కడా రాణిస్తా.. శార్దూల్‌ ధీమా

సెంచూరియన్‌: ఇంగ్లాండ్‌, ఆస్ట్రేలియాలో లాగే దక్షిణాఫ్రికాలోనూ మెరుగైన ప్రదర్శన చేస్తానని ఆశిస్తున్నానని పేస్‌ బౌలర్‌ శార్దూల్‌ ఠాకూర్‌ అన్నాడు. భారత జట్టు మేనేజ్‌మెంట్‌ దక్షిణాఫ్రికాతో తొలి టెస్టుకు ఇషాంత్‌, ఉమేశ్‌లను కాదని శార్దూల్‌ను తుది జట్టులోకి తీసుకున్న సంగతి తెలిసిందే. ‘‘ఆస్ట్రేలియా, ఇంగ్లాండ్‌ల్లో లాగే దక్షిణాఫ్రికాలోనూ రాణిస్తాననుకుంటున్నా. అలా చేస్తే ఇంకా సంతోషిస్తా. బౌలింగ్‌, బ్యాటింగ్‌కు సంబంధించి ప్రణాళిక రచించుకోవడానికి ఇష్టపడతా. మైదానంలో దిగాక ఆత్మవిశ్వాసంతో ఉండడం ముఖ్యం. నేనైతే పూర్తి ఆత్మవిశ్వాసంతో ఆడతా’’ అని శార్దూల్‌ చెప్పాడు.