Mayank Agarwal: ఐసీసీ అవార్డు రేసులో మయాంక్‌

దుబాయ్‌: టీమ్‌ ఇండియా ఓపెనర్‌ మయాంక్‌ అగర్వాల్‌ ఐసీసీ ‘ప్లేయర్‌ ఆఫ్‌ ద మంత్‌’ రేసులో నిలిచాడు. డిసెంబరు నెల అవార్డు కోసం ఐసీసీ కుదించిన జాబితాలో మయాంక్‌తో పాటు అజాజ్‌ పటేల్‌, మిచెల్‌ స్టార్క్‌ ఉన్నారు. అతడు రెండు మ్యాచ్‌ల్లో 69 సగటుతో 276 పరుగులు చేశాడు. సొంతగడ్డపై ముంబయిలో న్యూజిలాండ్‌తో టెస్టులో 150, 62 పరుగులు చేసిన ‘ప్లేయర్‌ ఆఫ్‌ ద మ్యాచ్‌’ అవార్డు గెలుచుకున్న అతడు.. సెంచూరియన్‌లో దక్షిణాఫ్రికాతో తొలి టెస్టులో జట్టు విజయంలో తన వంతు పాత్ర పోషించాడు. తొలి ఇన్నింగ్స్‌లో 60 పరుగులు చేసిన మయాంక్‌.. రాహుల్‌తో తొలి వికెట్‌కు 117 పరుగులు జోడించాడు.