‘నిధులు విడుదల చేయండి’

ఈనాడు, హైదరాబాద్‌: క్రీడా సంఘాలకు పెండింగ్‌ నిధుల్ని వెంటనే విడుదల చేయాలని రాష్ట్ర ప్రభుత్వాన్ని తెలంగాణ ఒలింపిక్‌ సంఘం (టీఓఏ) కోరింది. గత కొన్నేళ్లుగా టోర్నీలు  నిర్వహించిన క్రీడా సంఘాలకు ప్రభుత్వం నుంచి రూ.3.5 కోట్లు నిధులు రావాల్సి ఉందని శాట్స్‌ ఛైర్మన్‌ వెంకటేశ్వర్‌రెడ్డికి రాసిన లేఖలో టీఓఏ అధ్యక్షుడు ప్రొఫెసర్‌ రంగారావు పేర్కొన్నారు. 2021-22 బడ్జెట్‌లో క్రీడలకు రూ.113 కోట్లు కేటాయించిన ప్రభుత్వం.. క్రీడాకారుల టీఏ, డీఏలు విడుదల చేయాలని విజ్ఞప్తి చేశారు. క్రీడాకారుల భవిష్యత్తు కోసం అప్పులు చేసి అంతర్జాతీయ, జాతీయ స్థాయి టోర్నీలు నిర్వహించిన క్రీడా సంఘాల్ని తక్షణం ఆదుకోవాలని కోరారు.