Published : 21 Jan 2022 01:57 IST

క్వార్టర్స్‌లో సింధు, ప్రణయ్‌

లఖ్‌నవూ: భారత అగ్రశ్రేణి క్రీడాకారులు పి.వి.సింధు, హెచ్‌.ఎస్‌.ప్రణయ్‌లు సయ్యద్‌ మోదీ అంతర్జాతీయ బ్యాడ్మింటన్‌ టోర్నీలో క్వార్టర్‌ఫైనల్లోకి దూసుకెళ్లారు. గురువారం జరిగిన మహిళల సింగిల్స్‌ ప్రిక్వార్టర్స్‌లో టాప్‌ సీడ్‌ సింధు 21-16, 21-13తో లారెన్‌ లామ్‌ (అమెరికా)పై విజయం సాధించింది. సామియా ఇమాద్‌ ఫారూఖీ 21-6, 21-15తో కనిక కన్వల్‌పై, ఆకర్షి కశ్యప్‌ 21-9, 21-6తో చుక్కా సాయి ఉత్తేజితరావుపై, మాళవిక బాన్సోద్‌ 21-10, 21-8తో ప్రేరణపై, అనుపమ ఉపాధ్యాయ 21-12, 21-19తో స్మిత్‌ తోష్నివాల్‌పై నెగ్గి క్వార్టర్‌ఫైనల్లో అడుగుపెట్టారు. పురుషుల సింగిల్స్‌ ప్రిక్వార్టర్స్‌లో ప్రణయ్‌ 21-11, 16-21, 21-18తో ప్రియాంషు రజావత్‌పై, మిథున్‌ మంజునాథ్‌ 16-21, 21-16, 23-21తో సూంగ్‌ వెన్‌ (మలేసియా)పై గెలిచి ముందంజ వేశారు. పురుషుల డబుల్స్‌ ప్రిక్వార్టర్స్‌లో కృష్ణప్రసాద్‌- విష్ణువర్ధన్‌గౌడ్‌ 15-21, 21-17, 21-8తో నూర్‌ అయుబ్‌- లిమ్‌ వా (మలేసియా)పై, ఇషాన్‌- సాయి ప్రతీక్‌ 21-17, 21-17తో శ్యామ్‌ ప్రసాద్‌- సుంజిత్‌పై గెలుపొందారు. మహిళల డబుల్స్‌లో గాయత్రి గోపీచంద్‌ పుల్లెల- ట్రీసా జాలీ 21-12, 21-7తో సిమ్రన్‌- రితికపై, శ్రుతి ముందాడ- తనిష్క 21-12, 21-13తో రుద్రాణి- అనీస్‌ కొశ్వార్‌పై, హరిత- ఆష్నా 21-18, 21-10తో మణిదీప- ఉత్సవపై విజయం సాధించారు. మిక్స్‌డ్‌ డబుల్స్‌లో అర్జున్‌- ట్రీసా జాలీ 21-9, 21-17తో సుంజిత్‌- మెహ్రీన్‌పై, ఇషాన్‌- తనిషా 21-14, 26-24తో సాయి ప్రతీక్‌- గాయత్రి గోపీచంద్‌ పుల్లెలపై, అక్షాన్‌శెట్టి- సిమ్రన్‌ 21-3, 21-10తో కశిష్‌- సారునిపై నెగ్గి క్వార్టర్స్‌ చేరుకున్నారు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని