Published : 29 Jan 2022 02:19 IST

అఫ్గాన్‌ అదుర్స్‌

అండర్‌-19 ప్రపంచకప్‌ సెమీస్‌లో ప్రవేశం

కూలిడ్జ్‌ (ఆంటిగ్వా): 135 పరుగులు.. టీ20ల్లోనే ఉఫ్‌ అని ఊదేస్తున్నారు ఈ రోజుల్లో! అలాంటిది వన్డేల్లో ఒక లెక్కా! కానీ ఇంత చిన్న లక్ష్యాన్ని ప్రత్యర్థి ముందు పెట్టి కూడా కాపాడుకుంది అఫ్గానిస్థాన్‌! స్ఫూర్తిదాయక ఆటతో.. ఆల్‌రౌండ్‌ ప్రదర్శనతో జోరు మీదున్న శ్రీలంకకు కళ్లెం వేసిన ఈ జట్టు అండర్‌-19 ప్రపంచకప్‌లో సెమీఫైనల్‌కు దూసుకెళ్లింది. శుక్రవారం జరిగిన క్వార్టర్స్‌లో 4 పరుగుల తేడాతో లంకను ఓడించింది. స్వల్ప స్కోర్లు నమోదైన ఈ మ్యాచ్‌లో మొదట అఫ్గాన్‌ 47.1 ఓవర్లలో 134 పరుగులకే ఆలౌటైంది. వినుజ రణ్‌పాల్‌ (5/10), దనిత్‌ (3/36) ప్రత్యర్థి పతనాన్ని శాసించారు. అబ్దుల్‌ హాది (37), నూర్‌ అహ్మద్‌ (30) అల్లా నూర్‌ (25) పోరాడకపోతే ఆ జట్టు ఆ మాత్రం స్కోరు కూడా చేసేది కాదు. స్వల్ప ఛేదనలో లంక ఆరంభం నుంచే తడబడింది. అఫ్గాన్‌ బౌలర్లు విజృంభించడంతో 43 పరుగులకే 7 వికెట్లు కోల్పోయింది. ఈ స్థితిలో కెప్టెన్‌ దనిత్‌ (34), రవీన్‌ (21)తో కలిసి ఎనిమిదో వికెట్‌కు 69 పరుగులు జోడించి ఆశలు రేపాడు. కానీ ఓవర్‌ తేడాతో వీళ్లిద్దరూ వెనుదిరగడంతో ఆ జట్టుకు ఎదురుదెబ్బ తగిలింది. 45 ఓవర్లకు 124/9తో నిలిచిన లంకకు గెలవాలంటే 5 ఓవర్లలో 11 పరుగులు కావాల్సి వచ్చింది. చేతిలో ఒక్క వికెటే ఉన్నా లక్ష్యం సమీపంగా ఉండడంతో లంక ఆశలు వదులుకోలేదు. పైగా 46వ ఓవర్‌ తొలి రెండు బంతులకు ఆరు పరుగులు రావడంతో ఆ జట్టు గెలిచేలా కనిపించింది. అయితే ఆ ఓవర్‌ చివరి బంతికి రణ్‌పాల్‌ (4) రనౌట్‌ కావడంతో లంకకు నిరాశ తప్పలేదు. ఆ జట్టు 46 ఓవర్లలో 130 పరుగులకే ఆలౌటైంది. ఈ మ్యాచ్‌లో లంక ఇన్నింగ్స్‌లో నలుగురు బ్యాట్స్‌మెన్‌ రనౌట్‌ అయ్యారు. అఫ్గాన్‌ బౌలర్లలో బిలాల్‌ సమి రెండు వికెట్లు తీయగా.. నవీద్‌, నూర్‌, ఇజారుల్లా, ఖరోటె తలా వికెట్‌ పడగొట్టారు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని