కార్ల్‌సన్‌పై మళ్లీ..

దిల్లీ: భారత గ్రాండ్‌మాస్టర్‌ ప్రజ్ఞానంద .. ప్రపంచ ఛాంపియన్‌ మాగ్నస్‌ కార్ల్‌సన్‌ (నార్వే)పై మరోసారి విజయం సాధించాడు. చెసబుల్‌ మాస్టర్స్‌ ఆన్‌లైన్‌ ర్యాపిడ్‌ చెస్‌ టోర్నమెంట్‌ అయిదో రౌండ్లో కార్ల్‌సన్‌ను అతడు ఓడించాడు. గేమ్‌ డ్రా దిశగా సాగుతుండగా 40వ ఎత్తులో కార్ల్‌సన్‌ పెద్ద తప్పు చేశాడు. ఆరో రౌండ్లో హరికృష్ణను నిలువరించిన ప్రజ్ఞానంద.. ఆ తర్వాతి గేమ్‌లో గవిన్‌ జోన్స్‌ను ఓడించాడు. ఎనిమిదో రౌండ్లో గ్విజారో చేతిలో ఓడిపోయాడు. టోర్నీలో ప్రస్తుతం అతడు   12 పాయింట్లతో అయిదో స్థానంలో ఉన్నాడు. 16 ఏళ్ల ప్రజ్ఞానంద మూడు నెలల కింద కూడా ఆన్‌లైన్‌ ర్యాపిడ్‌ గేమ్‌లో కార్ల్‌సన్‌కు షాకిచ్చాడు.