ఆదుకున్న మాథ్యూస్‌, ధనంజయ

ఢాకా: ఏంజెలొ మాథ్యూస్‌ (58 బ్యాటింగ్‌; 153 బంతుల్లో 4×4, 1×6), ధనంజయ డిసిల్వా (58; 95 బంతుల్లో 9×4) ఆదుకోవడంతో బంగ్లాదేశ్‌తో జరుగుతున్న రెండో టెస్టులో శ్రీలంక మెరుగైన స్కోరు దిశగా పయనిస్తోంది. ఓవర్‌నైట్‌ స్కోరు 143/2తో బుధవారం ఉదయం తొలి ఇన్నింగ్స్‌ కొనసాగించిన శ్రీలంక.. మూడో రోజు ఆట ముగిసే సమయానికి 97 ఓవర్లలో 5 వికెట్లకు 282 పరుగులు సాధించింది. వర్షం అంతరాయం కలిగించడంతో బుధవారం 51 ఓవర్ల ఆట మాత్రమే సాధ్యమైంది. మాథ్యూస్‌, ధనంజయ అయిదో వికెట్‌కు 122 పరుగులు జోడించి జట్టుకు అండగా నిలిచారు. బంగ్లా బౌలర్లలో ఇబాదత్‌ హొస్సేన్‌ (2/78), షకీబల్‌ హసన్‌ (3/59) సఫలమయ్యారు. మరో రెండ్రోజుల ఆట మిగిలివున్న ఈ మ్యాచ్‌లో ఇంకో 84 పరుగులు రాబడితే శ్రీలంకకు తొలి ఇన్నింగ్స్‌ ఆధిక్యం లభిస్తుంది. మాథ్యూస్‌, దినేశ్‌ చండిమల్‌ (10 బ్యాటింగ్‌) క్రీజులో ఉన్నారు.

► Read latest Sports News and Telugu News

► Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.