ఇన్ని తప్పులు కోహ్లి ఎప్పుడూ చేయలేదు

దిల్లీ: ఈ టీ20 లీగ్‌ సీజన్‌లో చేసినన్ని తప్పులు విరాట్‌ కోహ్లి తన 14 ఏళ్ల కెరీర్‌లో ఎప్పుడూ చేయలేదని భారత మాజీ ఓపెనర్‌ వీరేంద్ర సెహ్వాగ్‌ అన్నాడు. ‘‘ఈ సీజన్లో ఆడిన కోహ్లి మనకు తెలిసిన కోహ్లి కాదు. ఎందుకంటే తన 14 ఏళ్ల కెరీర్‌లో ఎప్పుడూ చేయనన్ని తప్పులు ఈ ఒక్క సీజన్లోనే విరాట్‌ చేశాడు. పరుగులు సాధించనప్పుడు ఇలాంటి తప్పులు జరుగుతుంటాయి. అయితే వీలైనంత త్వరగా పరుగులు సాధించే మార్గాలను అన్వేషించాలి. ఈ సీజన్లో కోహ్లి దాదాపు అన్ని రకాలుగా ఔటయ్యాడు. అతడు తన అభిమానులందరిని తీవ్రంగా నిరాశ పరిచాడు. కీలక మ్యాచ్‌ల్లో కోహ్లి పూర్తిగా విఫలమయ్యాడు’’ అని వీరూ పేర్కొన్నాడు.