T20 Qualifier: ఆ జట్టుకు చేదు అనుభవం.. 8 పరుగులకే ఆలౌట్‌

బాంగి (మలేసియా): నేపాల్‌ అండర్‌-19 జట్టుకు చేదు అనుభవం.. టీ20 ప్రపంచకప్‌ క్వాలిఫయర్స్‌ మ్యాచ్‌లో ఆ జట్టు కేవలం 8 పరుగులకే కుప్పకూలింది. శనివారం యునైటెడ్‌ అరబ్‌ ఎమిరేట్స్‌తో మ్యాచ్‌లో నేపాల్‌ 8.1 ఓవర్లు మాత్రమే ఆడింది. 3 పరుగులు చేసిన స్నేహ మహారా టాప్‌ స్కోరర్‌. ఆఫ్‌ స్నిన్నర్‌ మహిక గౌర్‌ (4-2-2-5) ప్రత్యర్థి పతనాన్ని శాసించింది. ఇందుజ (3/6) కూడా సత్తా చాటింది. లక్ష్యాన్ని యూఏఈ ఏడు బంతుల్లో ఛేదించింది. మొత్తం మ్యాచ్‌ 9.2 ఓవర్లనే ముగిసింది. అయితే నేపాల్‌ అంతకుముందు ఆడిన మ్యాచ్‌లో ఖతార్‌ను 38 పరుగులకే కుప్పకూల్చడం విశేషం.