భారత్‌ 0.. ఇటలీ 7

ఉడిన్‌ (ఇటలీ): భారత్‌ అండర్‌-17 మహిళల జట్టుకు చేదు అనుభవం. నాలుగు దేశాల టోర్నీలో భాగంగా తొలి మ్యాచ్‌లో ఆ జట్టు 0-7తో ఇటలీ చేతిలో చిత్తుగా ఓడింది. ఈ పోరులో తొలి పది నిమిషాల వరకు ప్రత్యర్థిని కాచుకున్న భారత్‌.. ఆ తర్వాత చేతులెత్తేసింది. మారియా రోసి (11వ ని) చేసిన గోల్‌తో ఆధిక్యంలోకి వెళ్లిన ఇటలీ.. ఆ తర్వాత వరుస దాడులు చేసింది. లాంగోబార్డి (31వ ని), డ్రాగోని (33వ ని), సిబికా (48వ ని) స్వల్ప వ్యవధిలో గోల్స్‌ కొట్టడంతో 4-0 ఆధిక్యంలో నిలిచిన ఇటలీ.. ఆ తర్వాత మరో మూడుసార్లు బంతిని నెట్‌లోకి పంపి ఘన విజయాన్ని సొంతం చేసుకుంది. అక్టోబర్‌లో భారత్‌ వేదికగా జరిగే అండర్‌-17 ప్రపంచకప్‌ సన్నాహకాల్లో భాగంగా మన జట్టు ఈ టోర్నీలో ఆడుతోంది.