Updated : 25 Jun 2022 02:36 IST

భారత్‌కు కఠిన డ్రా

అండర్‌-17 మహిళల ఫుట్‌బాల్‌ ప్రపంచకప్‌

దిల్లీ: స్వదేశంలో జరగనున్న ఫిఫా అండర్‌-17 మహిళల ప్రపంచకప్‌లో భారత్‌కు కఠినమైన డ్రా ఎదురైంది. ప్రపంచ ఫుట్‌బాల్‌లో శక్తిమంతమైన బ్రెజిల్‌, మొరాకోతో పాటు అమెరికాతో కలిసి భారత్‌ గ్రూప్‌- ఎ లో ఉంది. అక్టోబర్‌ 11 నుంచి 30 వరకు జరిగే ఈ టోర్నీ డ్రాను శుక్రవారం విడుదల చేశారు. మొత్తం పోటీపడే 16 జట్లను నాలుగు గ్రూపులుగా విభజించారు. ఈ ప్రపంచకప్‌ మ్యాచ్‌లు భువనేశ్వర్‌, గోవా, నవీ ముంబయిలో జరుగుతాయి. పోటీల తొలి రోజు అమెరికాతో భారత్‌ తలపడుతుంది. ఆ తర్వాత అక్టోబర్‌ 14న తన రెండో మ్యాచ్‌లో మొరాకోను, 17న మూడో మ్యాచ్‌లో బ్రెజిల్‌ను ఢీ కొడుతుంది. గ్రూప్‌- బి లో జర్మనీ, నైజీరియా, న్యూజిలాండ్‌, చిలీ.. గ్రూప్‌- సి లో డిఫెండింగ్‌ ఛాంపియన్‌ స్పెయిన్‌, కొలంబియా, చైనా, మెక్సికో.. గ్రూప్‌- డి లో జపాన్‌, టాంజానియా, కెనడా, ఫ్రాన్స్‌ ఉన్నాయి. ఈ టోర్నీ చరిత్రలో ఉత్తర కొరియా అత్యధికంగా రెండు సార్లు (2008, 2016) టైటిల్‌ గెలిచింది. జపాన్‌, దక్షిణ కొరియా, ఫ్రాన్స్‌ ఒక్కోసారి కప్పు ముద్దాడాయి. షెడ్యూల్‌ ప్రకారం 2020లోనే ఈ ప్రపంచకప్‌కు భారత్‌ ఆతిథ్యమివ్వాల్సింది. కానీ కరోనా కారణంగా అప్పుడది రద్దయింది.

Read latest Sports News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని