బెయిర్‌స్టో అజేయ శతకం

ఇంగ్లాండ్‌ 55/6 నుంచి 264/6

కివీస్‌ 329 ఆలౌట్‌

లీడ్స్‌: న్యూజిలాండ్‌పై ఇప్పటికే 2-0తో సిరీస్‌ సాధించిన ఇంగ్లాండ్‌.. నామమాత్రమైన మూడో టెస్టులోనూ ప్రత్యర్థికి దీటుగా బదులిస్తోంది.తొలి ఇన్నింగ్స్‌లో బౌల్ట్‌ (3/73), వాగ్నర్‌ (2/53)ల ధాటికి ఒక దశలో 55 పరుగులకే 6 వికెట్లు కోల్పోయి పీకల్లోతు కష్టాల్లో పడిన ఆతిథ్య జట్టు.. బెయిర్‌స్టో (130 నాటౌట్‌; 126 బంతుల్లో 214), జేమీ ఒవర్టన్‌ (89 బ్యాటింగ్‌; 106 బంతుల్లో 124, 26)ల అద్భుత పోరాటంతో గొప్పగా పుంజుకుంది. ఆట ఆఖరుకు 264/6తో నిలిచింది. బెయిర్‌స్టో, ఒవర్టన్‌ అభేద్యమైన ఏడో వికెట్‌కు 209 పరుగులు జోడించారు. అంతకుముందు 225/6తో తొలి ఇన్నింగ్స్‌ను కొనసాగించిన కివీస్‌.. 329 పరుగులకు ఆలౌటైంది. 78 పరుగులతో బ్యాటింగ్‌ కొనసాగించిన మిచెల్‌ (109; 228 బంతుల్లో 94, 36) సెంచరీ పూర్తి చేశాడు. లోయరార్డర్లో సౌథీ (33) రాణించాడు. ఇంగ్లాండ్‌ బౌలర్లలో లీచ్‌ (5/100), బ్రాడ్‌ (3/62) సత్తా చాటారు.