ఆఖరి వన్డే ఆసీస్‌దే

కొలంబో: శ్రీలంకతో వన్డే సిరీస్‌ను ఇప్పటికే కోల్పోయిన ఆస్ట్రేలియా చివరిదైన అయిదో వన్డేలో విజయం సాధించింది. శుక్రవారం జరిగిన ఈ మ్యాచ్‌లో ఆసీస్‌ 4 వికెట్ల తేడాతో లంకను ఓడించింది. మొదట లంక 43.1 ఓవర్లలో 160 పరుగులకే ఆలౌటైంది. 85/8తో కష్టాల్లో ఉన్న జట్టుకు చమిక కరుణరత్నే (75; 75 బంతుల్లో 84, 26), మధుషాన్‌ (15)తో కలిసి లంకకు గౌరవప్రదమైన స్కోరు సాధించిపెట్టాడు. ఆసీస్‌ బౌలర్లలో హేజిల్‌వుడ్‌, కునెమాన్‌, కమిన్స్‌ తలా రెండు వికెట్లు తీశారు. ఛేదనలో ఆస్ట్రేలియా 50/4తో తడబడింది. అయితే అలెక్స్‌ కేరీ (45 నాటౌట్‌), లబుషేన్‌ (31) ఇన్నింగ్స్‌ను నిలబెట్టారు. ఆఖర్లో కామెరూన్‌ గ్రీన్‌ (25 నాటౌట్‌)తో కలిసి కేరి జట్టును గెలిపించాడు. ఆసీస్‌ 39.3 ఓవర్లలో 6 వికెట్లు కోల్పోయి లక్ష్యాన్ని అందుకుంది. దీంతో సిరీస్‌ను లంక 3-2తో ముగించింది.