దీపిక బృందానికి రజతం

పారిస్‌: ఆర్చరీ ప్రపంచకప్‌ స్టేజ్‌-3 టోర్నీలో దీపిక కుమారి, అంకిత భకత్‌, సిమ్రన్‌జీత్‌ కౌర్‌లతో కూడిన భారత రికర్వ్‌ జట్టు రజత పతకంతో సరిపెట్టుకుంది. ఆదివారం ఏకపక్షంగా జరిగిన ఫైనల్లో భారత్‌ 1-5తో చైనీస్‌ తైపీ చేతిలో పరాజయం చవచిచూసింది. ఒక స్వర్ణం, 2 రజతాలు గెలిచిన భారత్‌ మొత్తం 3 పతకాలతో టోర్నీని ముగించింది. అందులో కాంపౌండ్‌ విభాగం నుంచే 2 పతకాలు ఉండటం.. ఆ రెండింట్లోనూ తెలుగమ్మాయి వెన్నం జ్యోతి సురేఖ కీలకపాత్ర పోషించడం విశేషం. అభిషేక్‌వర్మతో కలిసి మిక్స్‌డ్‌ డబుల్స్‌లో స్వర్ణం సాధించిన సురేఖ.. వ్యక్తిగత విభాగంలో రజతంతో మెరిసింది.